കണ്ണൂര്: മലനിരകളിലെ മഴയുടെ അപൂര്വ്വ ഭാവങ്ങളിലേക്കും, വൈതല്മലയുടെ മാസ്മരിക സൗന്ദര്യത്തിലേക്കും വേറിട്ടൊരു യാത്രയുമായി മണ്സൂണ് 2016. ജില്ലാ ടൂറിസം പ്രമോഷന് കൗണ്സിലും ചെമ്പേരി നിര്മ്മല ഹയര് സെക്കണ്ടറി സ്കൂളും സംയുക്തമായി സംഘടിപ്പിക്കുന്ന മഴയാത്ര 23 ന് രാവിലെ 10 മണിക്ക് കെ.സി.ജോസഫ് എംഎല്എ പൊട്ടന്പ്ലാവില് ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡണ്ട് കെ.വി.സുമേഷ്, ജില്ലാ കലക്ടര് പി.ബാലകിരണ്, വൈസ് പ്രസിഡണ്ട് പി.പി.ദിവ്യ തുടങ്ങിയവര് പങ്കെടുക്കും. മഴയാത്രയില് പങ്കെടുക്കാന് ആഗ്രഹിക്കുന്ന സ്കൂളുകള് കുട്ടികളുടെ എണ്ണം സഹിതം രജിസ്റ്റര് ചെയ്യണം. രജിസ്ട്രേഷന് ഫീസ് ഇല്ല. പങ്കെടുക്കുന്ന സ്കൂളുകള് 23 ന് 10 മണിക്ക് മുമ്പ് പൊട്ടന്പ്ലാവിലെ ഡിടിപിസി ബേസ് ക്യാമ്പില് റിപ്പോര്ട്ട് ചെയ്യണം. കണ്ണൂരില് നിന്ന് തളിപ്പറമ്പ്-ശ്രീകണ്ഠപുരം-ചെമ്പേരി വഴിയോ തളിപ്പറമ്പ്-ഒടുവളളി-നടുവില് വഴിയോ പൊട്ടന്പ്ലാവിലെത്താം. മഴയാത്രയില് മികച്ച പ്രകൃതി സംരക്ഷണ സന്ദേശം പ്രചരിപ്പിക്കുന്ന സ്കൂളിന് പ്രതേ്യക പുരസ്കാരം നല്കും. കൂടുതല് വിവരങ്ങള്ക്കും രജിസ്ട്രേഷനും 9447888921, 9946618365, 9447982680 നമ്പറുകളില് ബന്ധപ്പെടണം.
പ്രതികരിക്കാൻ ഇവിടെ എഴുതുക: