കോഴിക്കോട്: മലബാറിലെ പത്ത് കോളനികളെ ദത്തെടുത്ത് അടിസ്ഥാനസൗകര്യങ്ങള് മെച്ചപ്പെടുത്താനുള്ള പദ്ധതിയുമായി ലയണ്സ് ക്ലബ് ഇന്റര്നാഷണല്. ജീവിതസൗകര്യങ്ങള് മെച്ചപ്പെടുത്തുക, ഭവനനിര്മ്മാണം, പരിപാലനം, മാലിന്യസംസ്കരണം, ശുദ്ധജലവിതരണം, കുട്ടികള്ക്ക് വിദ്യാഭ്യാസം എന്നിവ ഉള്പ്പെടുത്തിയാണ് ‘ഗ്ലോബല് വില്ലേജ്’ പദ്ധതി ആവിഷ്കരിക്കുകയെന്ന് ലയണ്സ് ക്ലബ് ഇന്റര്നാഷണല് ഡിസ്ട്രിക്ട് 318 ഇ ഗവര്ണര് കെ ശിവപ്രസാദ് വാര്ത്താസമ്മേളനത്തില് പറഞ്ഞു.
കോഴിക്കോട്, കണ്ണൂര്, വയനാട്, കാസര്ഗോഡ് ജില്ലകളും മാഹിയും ഉള്പ്പെട്ട ഡിസ്ട്രിക്ട് 318ഇ ഗ്ലോബല് വില്ലേജ് പദ്ധതിയുടെ ഭാഗമായി വയനാട്, പേരാവൂര്, പടിഞ്ഞാറെത്തറ, പടന്നകാട് തുടങ്ങിയ സ്ഥലങ്ങളിലെ പത്ത് കോളനികളാണ് ദത്തെടുക്കുക. ‘സുദൃഢസഞ്ചാരം’സ്വയം തൊഴില് പദ്ധതിയുടെ ഭാഗമായി സാമ്പത്തികമായി പിന്നാക്കം നില്ക്കുന്ന നൂറ് വനിതകള്ക്ക് കുടുംബശ്രീയുടെയും ബാങ്കുകളുടെയും സഹകരണത്തോടെ സൗജന്യനിരക്കില് ഷീ ഓട്ടോകള് വിതരണം ചെയ്യും. നിര്ധനര്ക്കുള്ള ഭവനനിര്മ്മാണം, സ്കൂള് കുട്ടികളുടെ നേത്രപരിശോധനയും സൗജന്യ കണ്ണട വിതരണവും, തിമിരശസ്ത്രക്രിയ, ക്യാന്സര് രോഗ നിര്ണയപ്രതിരോധ ക്യാംപുകള്, സര്ട്ടിഫിഷ്യല് ലിമ്പ് ക്യാംപിലൂടെ കൃത്രിമകൈകാല് വിതരണം, സമൂഹവിവാഹം, നൂറ് കിഡ്നി കെയര് ക്യാംപുകള് തുടങ്ങിയ വിവിധ പദ്ധതികളും ലയണ്സ് ക്ലബിന്റെ ശതാബ്ദി വര്ഷത്തോടനുബന്ധിച്ച് നടപ്പാക്കും.ലയണ്സ് ഡിസ്ട്രിക്റ്റിന്റെ സ്ഥാനാരോഹണം നാളെ വൈകിട്ട് മൂന്ന് മണിയ്ക്ക് കണ്ണൂര് സാധു കല്യാണമണ്ഡപത്തില് ലയണ്സ് ഇന്റര്നാഷണല് മുന് ഡയറക്റ്റര് എ പി സിംഗിന്റെ സാന്നിദ്ധ്യത്തില് നടക്കും. വാര്ത്താസമ്മേളനത്തില് ലയണ്സ് ക്ലബ് ഭാരവാഹികളായ പി എസ് വരദരാജന്, വി കെ കൃഷ്ണകുമാര്, സനോദ്, അജിത്കുമാര്, സജീവന്, കിഷോര് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: