കോഴിക്കോട്: അന്താരാഷ്ട്ര കടുവ ദിനാചരണത്തിന്റെ ഭാഗമായി കോഴിക്കോട്, മലപ്പുറം, വയനാട്, കണ്ണൂര്, കാസര്കോട് ജില്ലകളിലെ വിദ്യാര്ത്ഥികള്ക്കും പൊതുജനങ്ങള്ക്കുമായി ”കടുവകളും അപചയം നേരിടുന്ന ആവാസ വ്യവസ്ഥകളും” എന്ന വിഷയത്തില് പ്രബന്ധ മത്സരം. അഞ്ച് പേജില് കവിയാത്ത പ്രബ ന്ധം അസി. കണ്സര്വേറ്റര് ഓഫ് ഫോറസ്റ്റ്സ്, സോഷ്യല് ഫോറസ്ട്രി എക്സ്റ്റന്ഷന് ഡിവിഷന്, വനശ്രീ, മാത്തോട്ടം, പോസ്റ്റ് അരക്കിണര്, കോഴിക്കോട് – 673028 എന്ന മേല്വിലാസത്തില് ജൂലൈ 27ന് അഞ്ചു മണിക്ക് മുമ്പായി എത്തിക്കണം.
”കടുവ” എന്ന വിഷയത്തില് കോഴിക്കോട്ടെ വനശ്രീയില് വെച്ച് ജൂലൈ 29ന് രണ്ടു മണി മുതല് നാലു മണിവരെ നടക്കുന്ന ക്വിസ് മത്സരത്തില് ഹൈസ്കൂള് വിഭാഗം വിദ്യാര്ത്ഥികള്ക്ക് പങ്കെടുക്കാം.ക്വിസ് മത്സരത്തില് പങ്കെടുക്കുന്നവര് നേരത്തെ ടെലിഫോണ് വഴി രജിസ്റ്റര് ചെയ്യേണ്ടതാണ്. മത്സരത്തില് പങ്കെടുക്കുന്നതിനായി വിദ്യാലയത്തിലെ പ്രധാന അദ്ധ്യാപകന് സാക്ഷ്യപ്പെടുത്തിയ സര്ട്ടിഫിക്കറ്റ് സഹിതം ഉച്ചക്ക് 1.30ന് മുമ്പായി എത്തണം. ഒരു വിദ്യാലയത്തില് നിന്ന് പരമാവധി രണ്ട് പേര്ക്ക് പങ്കെടുക്കാവുന്നതാണ്. ഫോണ്: 0495 2414283, 8547603870, 8547603871.
പ്രതികരിക്കാൻ ഇവിടെ എഴുതുക: