നെയ്യാറ്റിന്കര: മാധ്യമപ്രവര്ത്തകര്ക്കെതിരെ വ്യാപകമായി അരങ്ങേറുന്ന അക്രമപ്രവര്ത്തനങ്ങള്ക്കെതിരെ സ്വദേശാഭിമാനി ജേര്ണലിസ്റ്റ് ഫോറവും നെയ്യാറ്റിന്കര പ്രസ് ക്ലബും സംയുക്തമായി ഇന്നലെ വൈകുന്നേരം നടത്തിയ ഉരുള് പ്രതിഷേധ സമരം ശ്രദ്ധേയമായി. ജേര്ണലിസ്റ്റ് ഫോറം ട്രഷററും മാധ്യമപ്രവര്ത്തകനു
മായ ഹലീല് റഹ്മാനാണ് ദേശീയപാത നെയ്യാറ്റിന്കരയില് സ്വദേശാഭിമാനി പാര്ക്കിനു മുന്നില് നിന്നും നെയ്യാറ്റിന്കര കോടതിയിലേയ്ക്ക് റോഡില് ഉരുണ്ട് പ്രതിഷേധിച്ചത്. മാധ്യമപ്രവര്ത്തകരുടെ പ്രകടനവും ഉരുള് പ്രതിഷേധവും കോടതി റോഡിലേയ്ക്ക് എത്തുന്നതിനു മുമ്പ് പോലീസ് തടഞ്ഞു. തുടര്ന്ന് ചേര്ന്ന പ്രതിഷേധ സമ്മേളനം അഭിസംബോധന ചെയ്ത് പ്രസ് ക്ലബ് ഭാരവാഹികളായ വി. ഹരിദാസ്, പി.കെ അജിത്, സജിലാല് നായര്, അനില് സാഗര് എന്നിവര് സംസാരിച്ചു. അനില് ജോസഫ്, ഷിജിന്, പ്രദീപ് ബാദുഷ, എല്.കെ അപ്പന്, സന്ദീപ്, അരുണ് മോഹന്, ഷിജിന്, ബിജു, അഫ്സല് എന്നിവര് പ്രകടനത്തില് ങ്കെടുത്തു.
പ്രതികരിക്കാൻ ഇവിടെ എഴുതുക: