കൊടുവള്ളി: സേഫ് കേരളയുടെ ഭാഗമായി പകര്ച്ചവ്യാധികള് തടയുന്നതിന് കൊടുവള്ളി പാലക്കുറ്റി, സൗത്ത് കൊടുവള്ളി എന്നീ സ്ഥലങ്ങളില് ആരോഗ്യ വകുപ്പ് സ്ക്വാഡ് വ്യാപക പരിശോധന നടത്തി. വിവിധ ഹോട്ടലുകള്, കൂള്ബാറുകള്, ബേക്കറി, മത്സ്യ മാംസവില്പ്പന കേന്ദ്രങ്ങള് എന്നിവിടങ്ങളില് നിന്ന് ഉപയോഗ യോഗ്യമല്ലാത്ത ഭക്ഷ്യപദാര്ത്ഥങ്ങള്, പാല് , എണ്ണപ്പലഹാരങ്ങള് എന്നിവ പിടിച്ചെടുത്തു. ലൈസന്സില്ലാതെ പ്രവര്ത്തിക്കുന്ന അഞ്ച് സ്ഥാപനങ്ങള്ക്ക് നോട്ടീസ് നല്കി. അഞ്ച് സ്ഥാപനങ്ങളില് നിന്നും 8000 രൂപ പിഴയീടാക്കി.
കൊടുവള്ളി സിഎച്ച്സി ഹെല്ത്ത് ഇന്സ്പെക്ടര് സി ടി ഗണേശന്, ജൂനിയര് ഹെല്ത്ത് ഇന്സ്പെക്ടര്മാരായ സജി ജോസഫ്, ഷനില ഫ്രാന്സിസ്, കെ. രഞ്ജിത്ത് എന്നിവര് പരിശോധനക്ക് നേതൃത്വം നല്കി.
പ്രതികരിക്കാൻ ഇവിടെ എഴുതുക: