കോട്ടയം: വനവാസികളോട് സര്ക്കാര് കാട്ടുന്ന അവഗണനയ്ക്കെതിരെ വനവാസിസംഘടനകള് സമരരംഗത്തേക്ക് ഇറങ്ങണമെന്ന് തിരുവിതാംകൂര്മലയരയസഭ സംസ്ഥാന പ്രസിഡന്റ് കെ.എ.പരമേശ്വരന് ആഹ്വാനം ചെയ്തു. കേരള വനവാസി വികാസകേന്ദ്രത്തിന്റെ ആഭിമുഖ്യത്തിലുള്ള വനവാസി അവകാശ സംരക്ഷണ സമിതി ദ്വിദിന പഠനശിബിരം ഉദ്ഘാടനം ചെയ്ത് സംസാരിക്കുകയാരുന്നു അദ്ദേഹം. കേരളത്തിലെ നാലുലക്ഷം വരുന്ന പട്ടികവര്ഗ വര്ഗവിഭാഗക്കാരുടെ ഭൂമിവീണ്ടെടുക്കുവാനും വിദ്യാഭ്യാസ ആരോഗ്യസംരക്ഷണത്തിനും സംസ്ഥാന സര്ക്കാരിന്റെ അവഗണനയ്ക്കെതിരെ സമരം സംഘടിപ്പിക്കണമെന്നും അദ്ദേഹം പറഞ്ഞു. വനവാസി കല്യാണ് ആശ്രമം ദക്ഷിണന്ത്യന് സെക്രട്ടറി എം.എസ്.രാജു മുഖ്യപ്രഭാഷണം നടത്തി. മധുക്കര്.വി.ഗോഗെ, എം.കെ.രാജപ്പന്, സുകുമാരന്, ശ്രീനിവാസന്, ഇന്ദിര ശിവദാസ്, ടി.ഐ.ലീല, പി.കെ.വത്സമ്മ, ഡോ.ശാന്തകുമാരി എന്നിവര് പ്രസംഗിച്ചു. എഞ്ചിനീയറിംഗ് പരീക്ഷയിലെ റാങ്കുജേതാവായ ആദര്ശിനെ ചടങ്ങില് അനുമോദിച്ചു. ഡോ.എന്.സി.ഇന്ദുചൂഢന്, പി.ശിവശങ്കരന്, ജി.നരേഷ് എന്നിവര് ക്ലാസുകള് നയിച്ചു. ടി.എസ്.നാരായണന്, വി.ബി.സഹദേവന്, കെ.കുമാരന്, ഡോ.താര എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: