കോട്ടയം: യുഡിഎഫ് യോഗത്തിൽ പങ്കെടുക്കാതിരുന്നത് വ്യക്തിപരമായ അസൗകര്യം മൂലമാണെന്ന് കേരള കോൺഗ്രസ് നേതാവ് കെ എം മാണി. ഇക്കാര്യം ഉമ്മൻചാണ്ടിയെയും കുഞ്ഞാലിക്കുട്ടിയെയും അറിയിച്ചിരുന്നതായും അദ്ദേഹം മാധ്യമ പ്രവർത്തകരോടായി പറഞ്ഞു.
അതേസമയം മാണിയുടെ അസൗകര്യത്തെ തുടർന്ന് അടുത്തമാസം പത്തിലേക്ക് മാറ്റിവച്ച യോഗത്തിൽ പങ്കെടുക്കാനാകുമോയെന്ന് പറയാനാകില്ലെന്നും മാണി പറഞ്ഞു. രമേശ് ചെന്നിത്തല പ്രതിപക്ഷ നേതാവായതിനു ശേഷം നടന്ന ആദ്യ യുഡിഎഫ് യോഗമായിരുന്നു ഇന്നലത്തേത്. യോഗത്തിൽ ചെന്നിത്തല തന്നെയായിരുന്നു അധ്യക്ഷൻ.
അവസാന നിമിഷം വരെ പങ്കെടുക്കുമെന്ന സൂചനകൾ നൽകിയിരുന്ന മാണി പെട്ടെന്നാണ് വ്യക്തിപരമായ അസൗകര്യം ചൂണ്ടിക്കാട്ടി പിന്മാറിയത്. യോഗത്തിലേക്ക് പ്രതിനിധിയെയും മാണി അയച്ചിരുന്നില്ല.
പ്രതികരിക്കാൻ ഇവിടെ എഴുതുക: