ഇടുക്കി: ചെറിയ തോതിലുള്ള പൊട്ടിത്തെറിയെതുടര്ന്ന് മൂലമറ്റം പവര്ഹൗസിലെ ഒന്നാം നമ്പര് ജനറേറ്ററിന്റെ പ്രവര്ത്തനം നിലച്ചു. രണ്ടാം ജനറേറ്ററിന്റെ പ്രവര്ത്തനം ഉദ്യോഗസ്ഥര് നിര്ത്തിവയ്ക്കുകയും ചെയ്തു. ചെറിയ തകരാറാണെന്നും ഇന്നു തന്നെ പ്രവര്ത്തനം പുനരാരംഭിക്കാന് കഴിയുമെന്നും ഉദ്യോഗസ്ഥര് അറിയിച്ചു.
ഒന്നും രണ്ടും ജനറേറ്ററുകള്ക്കിടയിലെ ഓസിലറി പാനലിലാണ് ചെറിയ പൊട്ടിത്തെറിയുണ്ടായത്. ഇതേത്തുടര്ന്നാണ് ഒന്നാം നമ്പര് ജനറേറ്ററിന്റെ പ്രവര്ത്തനം ഇന്നലെ രാത്രി മുതല് നിലച്ചത്. പൊട്ടിത്തെറി ഉണ്ടായതിന്റെ കാരണം കണ്ടുപിടിക്കാനും തകരാറ് പരിഹരിച്ച് ജനറേറ്റര് പ്രവര്ത്തിപ്പിക്കാനുള്ള തീവ്രശ്രമത്തിലാണ് കെ.എസ്.ഇ.ബി ഉദ്യോഗസ്ഥര്.
കഴിഞ്ഞ വര്ഷം ജൂണില് കണ്ട്രോള് പാനലിലെ ട്രാന്സ്ഫോര്മര് പൊട്ടിത്തെറിച്ചതിനെ തുടര്ന്ന് അഞ്ചാം നമ്പര് ജനറേറ്റര് തകരാറിലാവുകയും രണ്ട് എഞ്ചിനീയര്മാര് പൊള്ളലേറ്റ് മരിക്കുകയു ചെയ്തിരുന്നു. 130 മെഗാവാട്ട് ശേഷിയുള്ള ആറ് ജനറേറ്ററുകളാണ് മൂല മറ്റം പവര് ഹൗസിലുള്ളത്. വേനലായതിനാല് ഇവ ആറും പ്രവര്ത്തിപ്പിച്ച് പൂര്ണ്ണതോതില് വൈദ്യുതി ഉത്പാദിപ്പിന്നതിനിടെയാണ് രണ്ട് ജനറേറ്ററുകളുടെ ഉത്പാദനം നിലച്ചത്.
പ്രതികരിക്കാൻ ഇവിടെ എഴുതുക: