പേട്ട: ചാക്ക ബൈപാസ് റോഡില് ഓടിക്കൊണ്ടിരുന്ന കാര് കത്തി നശിച്ചു. ഇന്നലെ രാവിലെ പത്ത് മണിയോടെ വെണ്പാലവട്ടം പെട്രോള് പമ്പിന് സമീപത്ത് വെച്ചാണ് തീപിടുത്തമുണ്ടായത്. ഓടിക്കൊണ്ടിരുന്ന വാഹനത്തില് പുക വന്നതിനെ തുടര്ന്ന് വാഹനം നിര്ത്തി ഡ്രൈവര് പുറത്തേയ്ക്ക് ചാടി. പെട്ടെന്ന് തീ വാഹനത്തില് വ്യാപിക്കുകയായിരുന്നു. ഫയര്ഫോഴ്സ് എത്തിയാണ് തീ അണച്ചത്. വാഹനം പുര്ണ്ണമായും കത്തി നശിച്ചു . കരിക്കകം ആറ്റുവരമ്പ് സ്വദേശി രാജേഷിന്റെ വക ടാറ്റാ ഇന്ഡിഗോ കാറാണ് അപകടത്തില്പ്പെട്ടത്. ഇയ്യാളുടെ സുഹൃത്താണ് വാഹനമോടിച്ചിരുന്നത്. മറ്റാരും വാഹനത്തിലുണ്ടായിരുന്നില്ല. ഷോട്ട് സര്ക്യൂട്ടാണ് അപകടകാരണമെന്ന് പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: