ചേര്ത്തല: അഭിനയപ്രതിഭ രാജന് പി. ദേവിന് ഏഴാം ചരമവാര്ഷികത്തില് സഹൃദയലോകം ഓര്മപ്പൂക്കള് അര്പ്പിക്കും. രാജന് പി. ദേവ് കള്ച്ചറല്ഫോറത്തിന്റെ ആഭിമുഖ്യത്തില് വെള്ളിയാഴ്ച അനുസ്മരണം സംഘടിപ്പിക്കും. വൈകുന്നേരം മൂന്നിന് ചേര്ത്തല വുഡ്ലാന്ഡ്സ് ഓഡിറ്റോറിയത്തില് ചേരുന്ന അനുസ്മരണ സമ്മേളനം ഭക്ഷ്യമന്ത്രി പി. തിലോത്തമന് ഉദ്ഘാടനം ചെയ്യും. നഗരസഭ ചെയര്മാന് ഐസക് മാടവന അദ്ധ്യക്ഷത വഹിക്കും.
അഡ്വ. എ.എം. ആരിഫ് എംഎല്എ കലാകാന്മാരെ ആദരിക്കലും പുരസ്കാരദാനവും നിര്വഹിക്കും. നാടക-തിരക്കഥാകൃത്ത് പി.എസ്. കുമാര്, ഗാനരചയിതാവ് രാജീവ് ആലുങ്കല്, ചലചിത്ര ഛായാഗ്രാഹകന് സിദ്ധാര്ഥന്, നിര്മാതാവ് റോയി പി ആന്റണി എന്നിവരെയാണ് ആദരിക്കുന്നത്. നടന് വയലാര് റാണ, നാദസ്വരവിദ്വാന് ചേര്ത്തല രാമകൃഷ്ണന്, ഗായിക ശകുന്തള, കലാസാംസ്കാരിക പ്രവര്ത്തകന് ബേബി തോമസ് എന്നിവര്ക്കാണ് പുരസ്കാരം. വയലാര് ശരത്ചന്ദ്രവര്മ, പൂച്ചാക്കല് ഷാഹുല്, ബൈജു എഴുപുന്ന, ജയന് തണ്ണീര്മുക്കം, അനൂപ് ചന്ദ്രന്, ആലപ്പി ഋഷികേശ് എന്നിവര് അനുസ്മരണ പ്രഭാഷണം നടത്തും.
യുവര് കോളജ് സോഷ്യല് സര്വീസ് വിംഗിന്റെയും ചേര്ത്തല സംസ്കാരയുടെയും ആഭിമുഖ്യത്തില് 29നു രാവിലെ 10നു സംഘടിപ്പിക്കുന്ന രാജന് പി. ദേവ് അനുസ്മരണം സിനിമ-സീരിയല് താരം പുന്നപ്ര അപ്പച്ചന് ഉദ്ഘാടനം ചെയ്യും. പൂച്ചാക്കല് ഷാഹുല് അധ്യക്ഷനാകും. വെട്ടയ്ക്കല് മജീദ്, പ്രസന്നന് അന്ധകാരനഴി, കരപ്പുറം രാജശേഖരന്, കെ.ഇ. തോമസ്, ഐസക് മാടവന, പ്രദീപ് കൊട്ടാരം തുടങ്ങിയവര് പ്രസംഗിക്കും.
പ്രതികരിക്കാൻ ഇവിടെ എഴുതുക: