മുണ്ടക്കയം: യുവതിയുടെ മരണവുമായി ബന്ധപ്പെട്ട് ഭര്ത്താവ് പിടിയില്. പുലിക്കുന്ന് താന്നിക്കപതാല് പൂന്തോപ്പില് നിഷ (മഞ്ജു 34) ന്റെ മരണവുമായി ബന്ധപ്പെട്ട് ഭര്ത്താവ് ജയനെയാണ് കാഞ്ഞിരപ്പള്ളി സി.ഐ വി.പി. മോഹന്ലാല്, മുണ്ടക്കയം എസ്.ഐ വി.എ. സുരേഷ് എന്നിവരുടെ നേതൃത്വത്തിലുള്ള സംഘം കോട്ടയം റെയില്വേ സ്റ്റേഷനില് നിന്നും പിടികൂടിയത്.
കഴിഞ്ഞ 19ന് താന്നിക്കപതാലിലെ വീട്ടിലായിരുന്നു സംഭവം. ശരീരമാസകലം പൊള്ളലേറ്റ നിഷയെ അയല്വാസികള് ചേര്ന്ന് കഞ്ഞിരപ്പള്ളി ജനറല് ആശുപത്രിയിലും തുടര്ന്ന് കോട്ടയം മെഡിക്കല് കോളജിലും പ്രവേശിപ്പിച്ചെങ്കിലും മരണം സംഭവിക്കുകയായിരുന്നു. തുടര്ന്ന് നിഷയുടെ മരണത്തില് ദുരൂഹത ഉണ്ടെന്നും ഇതിനുപിന്നില് ഭര്ത്താവാണെന്നും കാട്ടി നിഷയുടെ പിതാവ് ശ്രീധരനും മക്കളും പോലീസില് മൊഴി നല്കിയെങ്കിലും ഫലമെന്നുമുണ്ടാവത്തതിനാലാണ് നാട്ടുകാര്, കുടുംബശ്രീ പ്രവര്ത്തകര് എന്നിവര് പോലീസ് സ്റ്റേഷന് മാര്ച്ച് ഉള്പ്പെടെയുള്ള പ്രതിഷേധ പരിപാടികള് നടത്തിയിരുന്നു. ഇതേ തുടന്നാണ് പ്രതിയെ പിടികൂടിയത്. പ്രതി കോട്ടയം റെയില്വേ സ്റ്റേഷനിലൂടെ ബോംബയിലുള്ള സുഹൃത്തിന്റെ വീട്ടിലേക്ക് പോകുന്ന വഴിയാണ് പോലീസ് പിടികൂടുന്നത്. പ്രതിയെ ഇന്ന് കോടതിയില് ഹാജരാക്കും.
പ്രതികരിക്കാൻ ഇവിടെ എഴുതുക: