കൊല്ലം: പാരിപ്പള്ളി യുകെഎഫ് എഞ്ചിനീയറിംഗ് കോളേജില് പുതിയതായി സ്ഥാപിക്കുന്ന അറുപത് കിലോ വാട്ടിന്റെ സോളാര്പവര് പ്ലാന്റിന്റെ പ്രവര്ത്തനോദ്ഘാടനവും കെഎസ്ഇബിക്ക് സമര്പ്പണവും മന്ത്രി.ജെ.മേഴ്സിക്കുട്ടിയമ്മ നിര്വഹിക്കും. ഇതൊടെ സംസ്ഥാനത്ത് ആദ്യത്തെ പൂര്ണമായും സോളാര്പവറില് പ്രവര്ത്തിക്കുന്ന കോളേജ് എന്ന പേര് യുകെഎഫിന് സ്വന്തമാകുമെന്ന് ഭാരവാഹികള് പത്രസമ്മേളനത്തില് പറഞ്ഞു. എംഎല്എ ജയലാല് അദ്ധ്യക്ഷത വഹിക്കുന്ന ചടങ്ങില് യുകെഎഫ് വിദ്യാര്ത്ഥി ക്ഷേമനിധിയില് നിന്നും കോളേജ് രക്ഷകര്തൃസമിതി തിരഞ്ഞെടുത്ത് നിര്ധനരായ രണ്ട് വിദ്യാര്ത്ഥികള്ക്ക് വീട് വയ്ക്കുവനായി സ്വരൂപിച്ച ഫണ്ട് മന്ത്രി കൈമാറും. ചടങ്ങില് ക്ഷേമാ പവര് ഇന്ഫ്രാ സ്റ്റട്കര് മാനേജിംഗ് ഡയറക്ടറും കോളേജ് ചെയര്മാനുമായ ഡോ.ബസന്ത്, ഡയറക്ടര്, ഡപ്യൂട്ടി ഡയറക്ടര് തുടങ്ങിയവര് പങ്കെടുക്കും. ഈ വര്ഷത്തെ ബിടെക് ക്ലാസിന്റെ ഉദ്ഘാടാനം കേരളാ സ്റ്റേറ്റ് ഇന്നോവേഷന് കൗണ്സില് ചെയര്മാന് രാധാകൃഷ്ണന് നിര്വഹിക്കും. ഈ വര്ഷ എഞ്ചീനിയറിംഗിന് യോഗ്യതാ പരീക്ഷയില് പാസായ സാമ്പത്തിക ശേഷിക്കുറഞ്ഞ പ്ലസ് ടൂ വിദ്യാര്ത്ഥികള്ക്ക് എഞ്ചിനീയറിംഗ് പഠിക്കുവാനുള്ള അവസരവും കോളേജില് ഒരുക്കിയിട്ടുണ്ട്.
പ്രതികരിക്കാൻ ഇവിടെ എഴുതുക: