മാവേലിക്കര: ചെട്ടികുളങ്ങര ദേവീക്ഷേത്രത്തിലെ കുംഭഭരണിനാളില് കണ്ണമംഗലം തെക്ക് ഹൈന്ദവ കരയിലെ കെട്ടുകാഴ്ച കടന്നു വരുന്ന പാതയിലെ അനധികൃത നിര്മ്മാണം ഏഴ് ദിവസത്തിനകം പൊളിച്ചു നീക്കാന് ചെട്ടികുളങ്ങര ഗ്രാമ പഞ്ചായത്ത് സെക്രട്ടറി നോട്ടീസ് നല്കി.
കെട്ടുകാഴ്ച കടന്നു വരുന്ന പാതയില് നടക്കുന്ന അനധികൃത നിര്മ്മാണം പൊളിച്ചു നീക്കണമെന്നാവശ്യപ്പെട്ട് ഹൈന്ദവ കരയോഗം പ്രസിഡന്റ് ആര്. രാജേഷ്, സെക്രട്ടറി അംബുജന് എന്നിവര് പഞ്ചായത്തില് നല്കിയ പരാതിയെ തുടര്ന്നാണ് നടപടി. കഴിഞ്ഞ മാസം 22നാണ് ഇതു സംബന്ധിച്ച് കരക്കാര് പഞ്ചായത്തിന് പരാതി നല്കിയത്. തുടര്ന്ന് നടത്തിയ പരിശോധനയില് കെട്ടിടത്തോട് ചേര്ന്ന് നിര്മ്മിച്ച ഷെഡ്, ചുറ്റുമതില് എന്നിവ അനധികൃമാണെന്ന് ബോധ്യപ്പെട്ടതായും സെക്രട്ടറിയുടെ ഉത്തരവില് പറയുന്നു.
കെട്ടുകാഴ്ച പാതയില് അനധികൃത നിര്മ്മാണമോ കൈയേറ്റമോ പാടില്ലെന്ന ഉത്തരവ് നിലനില്ക്കവെയാണ് നിയമലംഘനം നടത്തുന്നത്. കണ്ണമംഗലം വടക്കുംമുറിയില് ചാക്കട ജംഗ്ഷന് സമീപമാണ് തേരുപാതയ്ക്ക് തടസ്സം ഉണ്ടാക്കുന്ന തരത്തില് നിര്മ്മാണങ്ങള് നടക്കുന്നത്.
പ്രതികരിക്കാൻ ഇവിടെ എഴുതുക: