കണ്ണൂര് : അക്കാദമി ഓഫ് മെഡിക്കല് സയന്സസി (പരിയാരം മെഡിക്കല് കോളേജ്) ന് കീഴില് 101/2016 നോട്ടിഫിക്കേഷന് നമ്പര് പ്രകാരം അപേക്ഷ ക്ഷണിച്ച സ്റ്റാഫ് നേഴ്സ് തസ്തികയില് ആഗസ്ത് 4 മുതല് 12 വരെയായി ഇന്റര്വ്യു നടക്കും. ഞായറാഴ്ച ഒഴികെയുള്ള ദിനങ്ങളിലായിരിക്കും ഇന്റര്വ്യു. അപേക്ഷകരുടെ എണ്ണക്കൂടുതല് കാരണമാണ് എട്ട് ദിവസങ്ങളിലായി ഇന്റര്വ്യു നടത്തുന്നത്. ഒരുദിവസം പരമാവധി 100 പേര്ക്കായിരിക്കും ഇന്റര്വ്യുവില് പങ്കെടുക്കാന് കഴിയുക. രാവിലെ 9.30 മണി മുതല് 1 മണിവരേയും ഉച്ചയ്ക്ക് 1.30 മുതല് 5 മണിവരേയുമായാണ് ഇന്റര്വ്യു ക്രമീകരിച്ചിരിക്കുന്നത്. ഇതിനോടകം സ്ഥാപനത്തിലെ എച്ച്.ആര് ഓഫീസില് അപേക്ഷ സമര്പ്പിച്ച നിശ്ചിതയോഗ്യതയുള്ളവര്ക്ക് മാത്രമാണ് ഇന്റര്വ്യൂവില് പങ്കെടുക്കാന് സാധിക്കുക.
അപേക്ഷകരുടെ പേരും ഇന്റര്വ്യൂ തീയ്യതിയും സമയവും സംബന്ധിച്ച് സ്ഥാപനത്തിന്റെ വെബ്സൈറ്റില് ഇന്ന് രാവിലെ 11 മണിക്ക് പ്രസിദ്ധീകരിക്കും. ഇന്റര്വ്യൂലെറ്റര് മുഴുവന് അപേക്ഷകര്ക്കും തപാല് മുഖേനയും, അപേക്ഷാഫോറത്തില് രേഖപ്പെടുത്തിയ ഇമെയില് വിലാസത്തിലും അയച്ചിട്ടുണ്ട്. അപേക്ഷകര് വെരിഫിക്കേഷന് ഘട്ടത്തില് നോട്ടിഫിക്കേഷന് പ്രകാരമുള്ള യോഗ്യത തെളിയിക്കുന്ന രേഖകളുടെ ഒറിജിനല് നിര്ബന്ധമായും ഹാജരാക്കേണ്ട താണ്. ഏതെങ്കിലും കാരണവശാല് വെരിഫിക്കേഷനില് തള്ളപ്പെടുകയാണെങ്കില് അത്തരം അപേക്ഷകര്ക്ക് ഇന്റര്വ്യൂവില് ഹാജരാകാന് കഴിയുന്നതല്ല.
അപേക്ഷ സമര്പ്പിച്ചവര് ഇന്റര്വ്യൂ സമയത്തിന് അരമണിക്കൂര് മുമ്പെങ്കിലും സ്ഥാപനത്തിലെ എച്ച്.ആര് ഓഫീസില് റിപ്പോര്ട്ട് ചെയ്യേണ്ടതാണ്. ഇന്റര്വ്യൂ തീയ്യതിക്ക് രണ്ടുദിവസം മുമ്പെങ്കിലും ഇന്റര്വ്യൂലെറ്റര് ലഭിക്കാത്തപക്ഷം 0497 2882154 എന്ന നമ്പറിലോ, സ്ഥാപനത്തിലെ എച്ച്.ആര് ഓഫീസിലോ ബന്ധപ്പെടേണ്ടതാണ്. കൂടുതല് വിശദാംശങ്ങള് ംംം.ാരുമൃശ്യമൃമാ.രീാ എന്ന സ്ഥാപനത്തിന്റെ വെബ്സൈറ്റില് ലഭ്യമാണെന്നും അക്കാദമി ഓഫ് മെഡിക്കല് സയന്സസ് ഡയരക്ടര് വാര്ത്താക്കുറിപ്പില് അറിയിച്ചു.
പ്രതികരിക്കാൻ ഇവിടെ എഴുതുക: