കോഴിക്കോട്: ബാലഗോകുലം കോഴിക്കോട് മഹാനഗരത്തിന്റെ നേതൃത്വത്തില് നടക്കുന്ന ശ്രീകൃഷ്ണജയന്തി-ബാലദിനാഘോഷങ്ങളുടെ സ്വാഗതസംഘം ഓഫീസ് ഉദ്ഘാടനം ചെയ്തു. ബാലഗോകുലം കോഴിക്കോട് മഹാനഗരം അധ്യക്ഷന് സുരേന്ദ്രന് കണിയാണ ശ്രീകൃഷ്ണവിഗ്രഹത്തില് മാലചാര്ത്തിയാണ് ഉദ്ഘാടനം നിര്വ്വഹിച്ചത്. സ്വാഗതസംഘം ജനറല് കണ്വീനര് എല്.എന്. ദീപക്ദേവ് അധ്യക്ഷത വഹിച്ചു. ബാലഗോകുലം സംസ്ഥാന സെക്രട്ടറി കെ. മോഹന്ദാസ്, മേഖലാ ഉപാദ്ധ്യക്ഷന് കെ.ടി. ബാലചന്ദ്രന്, മേഖലാ ഖജാന്ജി പി. കൈലാസ് കുമാര്, മേഖലാസമിതി അംഗം പി. ഗോപാലകൃഷ്ണന്, ആര്എസ്എസ് കോഴിക്കോട് മഹാനഗര് കാര്യവാഹ് എന്.പി. രൂപേഷ്, ബാലഗോകുലം ജില്ലാ ഭാരവാഹികളായ പി. ജിജേഷ്, പി.ടി. പ്രഹ്ളാദന്, കെ. സുനില്കുമാര്, ശ്രീലാസ് തുടങ്ങിയവരും ചടങ്ങില് പങ്കെടുത്തു.
”തൈ വെയ്ക്കാം തണലേകാം താപമകറ്റാം” എന്ന സന്ദേശവുമായാണ് ആഗസ്റ്റ് 24 ന് ബാലഗോകുലം ശ്രീകൃഷ്ണജയന്തി ബാലദിനാഘോഷങ്ങള് സംഘടിപ്പിക്കുന്നത്. ആഘോഷപരിപാടികള് പൂര്ണ്ണമായും പ്ലാസ്റ്റിക് മുക്തമാക്കണമെന്നും പ്രചരണത്തിനായി ഫ്ളക്സ് ബോര്ഡുകള് ഉപയോഗിക്കരുതെന്നും ബാലഗോകുലം തീരുമാനിച്ചിട്ടുണ്ട്.
സ്വാമി ചിദാനന്ദപുരി, ബ്രഹ്മചാരി വിവേകാമൃതചൈതന്യ, ബ്രഹ്മചാരി മുകുന്ദ ചൈതന്യ, യു. ഗോപാല്മല്ലര്, ഡോ. സി.ആര്. മഹിപാല്, ഡോ. ആര്യാദേവി, പട്ടയില് പ്രഭാകരന്, എം.ടി. വിശ്വനാഥന് എന്നിവര് ഉപദേശക സമിതി അംഗങ്ങളായ 1001 അംഗ സ്വാഗതസംഘമാണ് രൂപീകരിച്ചിരിക്കുന്നത്. രഞ്ജിനി ഉമേഷ് അദ്ധ്യക്ഷയും എല്.എന്. ദീപക് ദേവ് ജനറല് കണ്വീനറും കെ. സുനി ല്കുമാര് പൊ തുസംയോജകനും രഘുവീര് മണ്ടിലേടത്ത് ഖജാന്ജിയുമാണ്. തൊണ്ടയാട് ജംഗ്ഷനില് സഹദേവന് സണ്സ് സൂപ്പര്മാര്ക്കറ്റ് പ്രവ ര്ത്തിക്കുന്ന കെട്ടിടത്തിന്റെ മുകളിലത്തെ നിലയിലാണ് സ്വാഗതസംഘം ഓഫീസ്.
മേപ്പയ്യൂര്: ബാലഗോകുലത്തിന്റെ ആഭിമുഖ്യത്തിലുള്ള ശ്രീകൃഷ്ണജയന്തി ആഘോഷത്തിനായി മേപ്പയ്യൂരില് സ്വാഗതസംഘം രൂപീകരിച്ചു.
ഭാരവാഹികള്: രാജീവന് ആയടത്തില്, വിജയന് വിളയാട്ടൂര്, കരുണാകരന് അടിയോടി, മധു പുഴയരികത്ത്, സുരേഷ് കണ്ടോത്ത് (രക്ഷാധികാരികള്) സത്യന് പി കെ.(പ്രസിഡന്റ്), ദീപു, നിധിന് (വെസ് പ്രസി), പി.കെ. സുരേഷ് (സെക്രട്ടറി), അനീഷ് കെ.കെ. (ട്രഷറര്).
പ്രതികരിക്കാൻ ഇവിടെ എഴുതുക: