കോഴിക്കോട്: സ്വാതന്ത്ര്യദിനാഘോഷ പരിപാടികള്ക്കുളള ഒരുക്കങ്ങള് തുടങ്ങി. ജില്ലാ കലക്ടര് എന്. പ്രശാന്തിന്റെ അദ്ധ്യക്ഷതയില് കലക്ട്രേറ്റില് നടന്ന യോഗത്തില് ആഗസ്ത് 15 ലെ സ്വാതന്ത്ര്യദിന പരേഡ് കുറ്റമറ്റതാക്കാന് വിവിധ വകുപ്പ് മേധാവികള്ക്ക് ചുമതലകള് നല്കി.
ആഗസ്റ്റ് 15 ന് രാവിലെ 8.30നുളള പരേഡിന്റെ റിഹേഴ്സല് 11,12,13 തീയ്യതികളില് നടക്കും. പങ്കെടുക്കുന്നവര് രാവിലെ 7.30 ന് വെസ്റ്റ്ഹില് വിക്രം മൈതാനിയിലെത്തണം, 13 നാണ് ഡ്രസ് റിഹേഴ്സല്. പരേഡ് വീക്ഷിക്കാനെത്തുന്ന ജനപ്രതിനിധികള്, സ്വാതന്ത്ര്യസമര സേനാനികള്, കുട്ടികള്, പൊതുജനങ്ങള് എന്നിവര്ക്ക് പ്രത്യേക സൗകര്യമൊരുക്കും.
സായുധ പോലീസ് സിറ്റി, സായൂധ പോലീസ് റുറല്, ലോക്കല് പോലീസ് വനിതാ പോലീസ്, സീനിയര് എന്.സി.സി നേവി, ജൂനിയര് എന്.സി.സി നേവി, ജൂനിയര് എന്.സി.സി ഗേള്സ് എന്നിവയുടെ ഓരോ പ്ലറ്റൂണുകള്, എന്.സി.സി ആര്മി, സീനിയര് എന്.സി.സി ഗേള്സ് എന്നിവയുടെ രണ്ട് വീതം പ്ലറ്റൂണുകള്, സ്കൗട്ട്സ്, എക്സൈസ്-വനം വകുപ്പുകള് എന്നിവയുടെ ഓരോ ടീമുകള്, ജൂനിയര് റെഡ്ക്രോസിന്റെ രണ്ട് ടീമുകള്, സ്റ്റുഡന്റ് പോലീസ് കാഡറ്റുകള് എന്നിവര് പരേഡില് അണിനിരക്കും.
യോഗത്തില് സബ് കലക്ടര് കെ. ഗോപാലകൃഷ്ണന്, അഡീഷണല് ഡിസ്ട്രിക്ട് മജിസ്ട്രേറ്റ് ടി ജനില്കുമാര്, ഐ ആന്റ് പി.ആര്.ഡി മേഖലാ ഡെപ്യൂട്ടി ഡയറക്ടര് എന്.രാധാകൃഷ്ണപ്പിളള തുടങ്ങിയവര് പങ്കെടുത്തു.
വടകര: കക്കണ്ടി കുഞ്ഞിരാമകുറുപ്പ് സ്മാരക ട്രസ്റ്റ് (സേവാഗ്രാം) ആഭിമുഖ്യത്തില് സ്വാതന്ത്ര്യദിനാഘോഷം നടത്തും. യുപി, ഹൈസ്കൂള്, വിഭാഗം വിദ്യാര്ത്ഥികള്ക്കുവേണ്ടി സ്വാതന്ത്ര്യസമരചരിത്രക്വിസ്സ് പ്രതിഭകള്ക്ക് അനുമോദനം, സ്മൃതിസംഗമം എന്നീ പരിപാടികള് നടക്കും. മേമുണ്ടഹൈസ്കൂളിലാണ് പരിപാടി.
പ്രതികരിക്കാൻ ഇവിടെ എഴുതുക: