കാഞ്ഞാര്: കാഞ്ഞാര് ടൗണില് നിന്നും വെങ്കിട്ട, അറക്കുളം, മൂന്നിങ്ക വയല് തുടങ്ങിയ സ്ഥലങ്ങളിലെ നൂറുകണക്കിന് കുടുബങ്ങളുടെ ആശ്രയമായ വെങ്കിട്ട പാലം അപകടകരമായ സ്ഥിതിയില്. കാലപഴക്കത്താല് ജീര്ണ്ണിച്ച പാലത്തിലൂടെ വലിയ ടിപ്പര് ലോറികള് പായുന്നത് കൂടുതല് ബലക്ഷയത്തിന് കാരണമാകുന്നുണ്ട്. അറക്കുളത്ത് പ്രവര്ത്തിക്കുന്ന പാറമടയിലെ ടിപ്പറുകളാണ് ഈ പാലത്തിലുടെ സഞ്ചരിക്കുന്നത്. ടിപ്പര് ലോറികളുടെ സഞ്ചാരത്തിനെതിരെ ജനകീയ പ്രതിരോധം തീര്ക്കുവാനുള്ള ശ്രമത്തിലാണ് നാട്ടുകാര്. കാഞ്ഞാര് യൂത്ത് ഐക്യവേദി രൂപീകരിച്ച് പ്രതിഷേധ സമരപരിപാടികള് നടത്തുവാനുള്ള നീക്കമാണ് നാട്ടുകാര് നടത്തുന്നത്.
പ്രതികരിക്കാൻ ഇവിടെ എഴുതുക: