ന്യൂദല്ഹി: സൗദിയിലെ ഭാരതീയരുടെ പ്രശ്നങ്ങള് സംബന്ധിച്ച് ഇന്ത്യ മുന്നോട്ടുവച്ച എല്ലാ ആവശ്യങ്ങളും സൗദി സര്ക്കാര് അംഗീകരിച്ചതായി കേന്ദ്ര വിദേശകാര്യ മന്ത്രി സുഷമ സ്വരാജ്. രാജ്യസഭയിലാണ് മന്ത്രി ഇക്കാര്യം അറിയിച്ചത്.
തൊഴില് പ്രതിസന്ധിയെ തുടര്ന്ന് കുടുങ്ങിയ ഭാരതീയരെ നാട്ടിലെത്തിക്കാന് എല്ലാ സഹായവും സൗദി ഭരണാധികാരി സല്മാന് രാജാവ് വാഗ്ദാനം ചെയ്തിട്ടുണ്ട്്. ലേബര് ക്യാമ്പില് കുടുങ്ങിക്കിടക്കുന്ന തൊഴിലാളികള്ക്ക് എല്ലാ സഹായവും നല്കും. ജോലി നഷ്ടപ്പെട്ട മലയാളികളെ സുരക്ഷിതമായി നാട്ടിലെത്തിക്കുമെന്നും സുഷമ സ്വരാജ് അറിയിച്ചു. സൗദിയില്ത്തന്നെ തുടരാന് ആഗ്രഹിക്കുന്നവര്ക്കു മറ്റു കമ്പനികള് ചേരുന്നതിനുള്ള നിയമ തടസം ഒഴിവാക്കും.
മടങ്ങിപ്പോകുന്നവര്ക്ക് കിട്ടാനുള്ള ആനുകൂല്യങ്ങള് ലഭിക്കുന്നതിനു നിയമ പരിരക്ഷ ഉറപ്പാക്കണമെന്ന് ഭാരതം ആവശ്യപ്പെട്ടിരുന്നു. ഇതും സൗദി അംഗീകരിച്ചു. കുടുങ്ങിക്കിടക്കുന്ന തൊഴിലാളികള്ക്ക് ഇന്ത്യന് എംബസിയാണ് ഇപ്പോള് ഭക്ഷണമെത്തിക്കുന്നത്. ഇതിനു പകരം ഇവര്ക്ക് ആവശ്യമുള്ള ഭക്ഷണം ലഭ്യമാക്കാന് സൗദി അധികൃതര് നടപടിയെടുക്കുമെന്നും അവിടുത്തെ സര്ക്കാര് അറിയിച്ചതായി സുഷമ സ്വരാജ് പറഞ്ഞു.
അതിനിടെ, സൗദിയിലെ ലേബര് ക്യാമ്പ് സന്ദര്ശിക്കാന് കേന്ദ്ര സഹമന്ത്രി വി.കെ. സിങ്ങിന് ഇതുവരെ അനുമതി ലഭിച്ചിട്ടില്ല. മറ്റു പല രാജ്യക്കാരും താമസിക്കുന്ന ക്യാമ്പിലേക്ക് ഭാരതത്തില് നിന്നുള്ള മന്ത്രിയെ അയക്കുമ്പോള് ഉണ്ടാകുന്ന സുരക്ഷാ പ്രശ്നങ്ങള് കണക്കിലെടുത്താണ് അനുമതി നല്കാത്തത്.
പ്രതികരിക്കാൻ ഇവിടെ എഴുതുക: