അമ്പലപ്പുഴ: മത്സ്യത്തൊഴിലാളി അവഗണനയ്ക്ക് എതിരെ അമ്പലപ്പുഴ താലൂക്കില് ഇന്ന് ധീവരസഭ തീരദേശഹര്ത്താല് നടത്തും. പുന്നപ്രയില് ഉണ്ടായ കടല്ക്ഷോഭത്തില് തകര്ന്ന വള്ളങ്ങള്ക്ക് സര്ക്കാര് പ്രഖ്യാപിച്ച നഷ്ടപരിഹാരം അപര്യാപ്തമാണെന്നും പൂര്ണമായ നഷ്ടപരിഹാരം നല്കണമെന്നും ആവശ്യപ്പെട്ടാണ് രാവിലെ ആറുമുതല് വൈകിട്ട് ആറുവരെ ഹര്ത്താലിന് ആഹ്വാനം ചെയ്തിരിക്കുന്നത്.
മത്സ്യത്തൊഴിലാളി യൂണിയനും ഹര്ത്താലില് പങ്കെടുക്കും. ഇന്ന് രാവിലെ പത്തിന് ഇഎംഎസ് സ്റ്റേഡിയത്തില് നിന്ന് കളക്ട്രേറ്റിലേക്ക് മത്സ്യത്തൊഴിലാളികളുടെ മാര്ച്ചും തുടര്ന്ന് ധര്ണയും നടക്കും. ഹര്ത്താല് വിജയിപ്പിക്കാന് സ്വകാര്യ ബസ് ഉടമകളോടും വ്യാപാരികളോടും ധീവരസഭ താലൂക്ക് കമ്മറ്റി അഭ്യര്ത്ഥിച്ചു. ഭാരതീയ മത്സ്യപ്രവര്ത്തക സംഘം ജില്ലാ സമിതിയും ബിജെപിയും വേദവ്യാസ ധര്മ്മ പ്രചാരസഭയും ഹര്ത്താലിന് പിന്തുണ പ്രഖ്യാപിച്ചു.
പ്രതികരിക്കാൻ ഇവിടെ എഴുതുക: