മാവേലിക്കര: കേരള ക്ഷേത്ര സംരക്ഷണ സമിതി ജില്ലാ സമ്മേളനം ഇന്നും നാളെയുമായി ചെങ്ങന്നൂരില് നടക്കും. ഗണപതിഹോമത്തിന് ശേഷം ശനിയാഴ്ച രാവിലെ 10ന് പാണ്ടനാട് ഗുരു ചെങ്ങന്നൂരിന്റെ സ്മൃതി മണ്ഡപത്തില് പുഷ്പാര്ച്ചനയോടെ സമ്മേളനത്തിന് തുടക്കമാകും.
തുടര്ന്ന് ചേരുന്ന ജില്ലാ പ്രവര്ത്തകയോഗം സംസ്ഥാന സനാതനധര്മ്മ പാഠശാല പ്രമുഖ് ഡോ.നാരായണ ഭട്ടതിരിപ്പാട് ഉദ്ഘാടനം ചെയ്യും. ജില്ലാ പ്രസിഡന്റ് എന്.രാധാകൃഷ്ണന് അദ്ധ്യക്ഷത വഹിക്കും. വൈകിട്ട് നാലിന് ചേരുന്ന ജില്ലാ കോര്കമ്മറ്റി യോഗത്തില് സംസ്ഥാന വൈസ് പ്രസിഡന്റ് സി.കെ. കുഞ്ഞ് പങ്കെടുക്കും.
ഞായറാഴ്ച രാവിലെ 10ന് ജില്ലാ വാര്ഷിക പ്രതിനിധി സമ്മേളനം രക്ഷാധികാരി എം.കെ. രവിവര്മ്മ രാജാ ഉദ്ഘാടനം ചെയ്യും. ജില്ലാ പ്രസിഡന്റ് എന്.രാധാകൃഷ്ണന് അദ്ധ്യക്ഷത വഹിക്കും. സംസ്ഥാന സെക്രട്ടറി ജി.ബി. ദിനചന്ദ്രന് മുഖ്യപ്രഭാഷണം നടത്തും.
11.30ന് സംഘടനാ സമ്മേളനം സംസ്ഥാന വൈസ് പ്രസിഡന്റ് സി.കെ. കുഞ്ഞ് ഉത്ഘാടനം ചെയ്യും. ജില്ലാ സെക്രട്ടറി ആര്.മധു വാര്ഷിക റിപ്പോര്ട്ടും ജില്ലാ ഖജാന്ജി എസ്.എം. ഫമിന് കണക്കും അവതരിപ്പിക്കും. ജില്ലാ സംയോജകന് എന്. കെ.സുകുമാരന് പ്രമേയ അവതരണം നടത്തും. തുടര്ന്ന് ജില്ലാ പ്രവര്ത്തക സമിതി രൂപീകരിച്ച് പുതിയ ഭാരവാഹികളെ തെരഞ്ഞെടുക്കും. സംസ്ഥാന വൈസ് പ്രസിഡന്റ സി.കെ.കുഞ്ഞ് വരണാധികാരിയാകും.
നാലിന് സമാപന സമ്മേളനം സംസ്ഥാന വൈസ് പ്രസിഡന്റ് വി.കെ. വിശ്വനാഥന് ഉദ്ഘാടനം ചെയ്യും. ശബരിഗിരി മേഖലാ സെക്രട്ടറി പി.പ്രദീപ,് താലൂക്ക് സെക്രട്ടറി എം.ടി. വിജയന് എന്നിവര് സംസാരിക്കും.
പ്രതികരിക്കാൻ ഇവിടെ എഴുതുക: