ശൃണു രാജൻ പ്രവക്ഷ്യാമി കൃഷ്ണസ്യ ചരിതം മഹത്
അവതാര കാരണം ചൈവ ദേവ്യാശ്ചരിതമദ്ഭുതം
ധരൈകദാ ഭരാക്രാന്താ രുദതി ചാതി കർശിതാ
ഗോരൂപധാരിണീ ദീനാ ഭീതാഗ f ച്ഛത് ത്രിവിഷ്ടപം
വ്യാസൻ പറഞ്ഞു: മഹത്തായ കൃഷ്ണകഥയും ആ അവതാരത്തിന്റെ കാരണവും അമ്മയുടെ ദിവ്യ ചരിതവും എല്ലാം ഞാൻ പറയാം. ഭൂമീദേവി തനിക്ക് ദുഃഖഭാരം താങ്ങാനരുതാതെ ഒരു പശുവിന്റെ രൂപത്തിൽ ദേവലോകത്തേയ്ക്ക് പോയി.
പരിക്ഷീണയും കൃശഗാത്രിയുമായിരുന്നു ആ ഗോമാതാവ്. ഭൂമിയെ ഈ രൂപത്തിൽ കണ്ട ഇന്ദ്രൻ ചോദിച്ചു: ‘നിന്റെ ദുഃഖത്തിന് കാരണമെന്താണ്? ആരെങ്കിലും നിന്നെ പീഡിപ്പിക്കുകയുണ്ടായോ?’
ഭൂമിദേവി പറഞ്ഞു: ‘എനിക്ക് ഭൂമിയിൽ ഏറിയേറി വരുന്ന ഭാരം താങ്ങാനാവുന്നതിലും കൂടുതലാണ്. ഞാനാകെ തളർന്നിരിക്കുന്നു.
മഗധവാഴുന്ന ജരാസന്ധൻ ഇപ്പോൾ എന്റെ പതിയാണ്. ചേദിരാജാവായ ശിശുപാലൻ, കാശിരാജാവായ പ്രതാപവാൻ, പിന്നെ രുക്മി, കംസൻ, നരകൻ സാല്വൻ, കേശി, ധേനുകൻ, വത്സൻ, ഇങ്ങനെ ധർമ്മം തൊട്ടു തീണ്ടാത്ത ഒട്ടേറെപ്പേർ ഇപ്പോൾ ഭൂമിയിൽ വാഴുന്നു. ഭൂമിയെ ഭരിക്കുന്നു. അവരെല്ലാം പാപികളും കാലരൂപം പൂണ്ട രാജാക്കന്മാരുമാണ്. ഈ ദുഷ്ടരുടെ ഭാരമാണ് എന്നെ തളർത്തുന്നത്. ഞാൻ എവിടെപ്പോകും? എവിടെയാണ് രക്ഷ?
തുടരും
പ്രതികരിക്കാൻ ഇവിടെ എഴുതുക: