ആലപ്പുഴ: നെഹ്റു ട്രോഫി വള്ളംകളിക്കു മുന്നോടിയായുള്ള സാംസ്കാരിക ഘോഷയാത്ര ഒമ്പതിന് നടക്കും. വള്ളംകളിക്കു മാറ്റുകൂട്ടാന് കള്ച്ചറല് കമ്മിറ്റിയുടെ ആഭിമുഖ്യത്തില് 10, 11, 12 തീയതികളില് കലാസാംസ്കാരിക പരിപാടികള് സംഘടിപ്പിക്കും.
സാംസ്കാരിക ഘോഷയാത്ര ഉച്ചയ്ക്ക് രണ്ടിന് ഇഎംഎസ് സ്റ്റേഡിയത്തില് നിന്നും ആരംഭിച്ച് നഗരചത്വരത്തില് സമാപിക്കും. ജില്ലാ കളക്ടര് ആര്. ഗിരിജ ഫല്ഗ് ഓഫ് ചെയ്യും. വൈകിട്ട് അഞ്ചിന് നഗരചത്വരത്തില് നടക്കുന്ന ഉദ്ഘാടന സമ്മേളനം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. ചലച്ചിത്ര സംവിധായകന് വിനയന് മുഖ്യാതിഥിയാകും. നഗരസഭാദ്ധ്യക്ഷന് തോമസ് ജോസഫ് അദ്ധ്യക്ഷത വഹിക്കും. വൈകിട്ട് ഏഴു മുതല് ഇപ്റ്റ നാട്ടരങ്ങ് അവതരിപ്പിക്കുന്ന നാട്ടുപാട്ട് മഹോത്സവം.
10ന് വൈകിട്ട് അഞ്ചിന് കാവാലം നാരായണപണിക്കരുടെ സ്മരണയില് ഗാനാഞ്ജലി. 6.30ന് അനുസ്മരണ സമ്മേളനം എ.എം. ആരിഫ് എം.എല്.എ. ഉദ്ഘാടനം ചെയ്യും. നഗരസഭാധ്യക്ഷന് തോമസ് ജോസഫ് അദ്ധ്യക്ഷത വഹിക്കും. വൈകിട്ട് ഏഴിന് ചലച്ചിത്രതാരം ഹരിശ്രീ അശോകനും സംഘവും അവതരിപ്പിക്കുന്ന മെഗാഷോ.
11ന് വൈകിട്ട് അഞ്ചിന് വൈക്കം വിജയലക്ഷ്മി നയിക്കുന്ന ഭിന്നശേഷിയുള്ള കലാകാരന്മാരുടെ ഫ്ളൈവിങ് മെഗാഷോ. 6.30ന് പൊതുസമ്മേളനം ചലച്ചിത്ര സംവിധായകന് സിബി മലയില് ഉദ്ഘാടനം ചെയ്യും. നഗരസഭാദ്ധ്യക്ഷന് അദ്ധ്യക്ഷത വഹിക്കും. 7.30ന് കോഴിക്കോട് രാഗരംഗ് അവതരിപ്പിക്കുന്ന ഓള്ഡ് ഈസ് ഗോള്ഡ്. ഓഗസ്റ്റ് 12ന് വൈകിട്ട് 5.30ന് കഌപ്സിന്റെ ഗാനമേള, 7.30ന് ഫല്ഷ് ഓര്ക്കസ്ട്രയുടെ റോക്കിങ് മെഗാഷോ.
സാഹിത്യസെമിനാര് നാളെ
ആലപ്പുഴ: നെഹ്റു ട്രോഫി സ്മരണിക കമ്മിറ്റിയുടെ ആഭിമുഖ്യത്തില് എട്ടിനു ‘മലയാള സാഹിത്യം ആധുനിക കാലത്ത്’ എന്ന വിഷയത്തില് സാഹിത്യ സെമിനാര് നടത്തും. രാവിലെ 10ന് ആലപ്പുഴ സെന്റ് ജോസഫ് കോളജില് സംവിധായകന് കമല് ഉദ്ഘാടനം നിര്വഹിക്കും.
ജില്ലാ കളക്ടര് ആര്. ഗിരിജ അദ്ധ്യക്ഷത വഹിക്കും. മുരുകന് കാട്ടാക്കട, കുരീപ്പുഴ ശ്രീകുമാര്, സാം മാത്യൂ എന്നിവര് പങ്കെടുക്കും.
പ്രതികരിക്കാൻ ഇവിടെ എഴുതുക: