കണ്ണൂര്: പാരമ്പര്യത്തിന്റെ പ്രൗഡിയും ഇന്നിന്റെ ഗരിമയും സങ്കലിതമാകുന്ന തിലാന്നൂര് യൂ.പി.സ്കൂള് ശതാബ്ദിയാഘോഷത്തിലേക്ക്. ഈ മാസം മുതല് 2017 ഏപ്രില് വരെ ഒരുവര്ഷം നീണ്ടുനില്ക്കുന്ന ശതാബ്ദി ആഘോഷ പരിപാടികളാണ് ഇതിന്റെ ഭാഗമായി സംഘടിപ്പിച്ചിട്ടുള്ളത്. 14ന് ശതാബ്ദി ആഘോഷ വിളമ്പര ജാഥ നടത്തും. 15ന് ദേശീയോദ്ഗ്രഥന സദസ്സ് നടക്കും. 17ന് നടക്കുന്ന ശതാബ്ദി ആഘോഷ ഉദ്ഘാടനം മന്ത്രി കടന്നപ്പള്ളി രാമചന്ദ്രന് നിര്വ്വഹിക്കും. ആഘോഷത്തോടനുബന്ധിച്ച് മെഡിക്കല് ക്യാമ്പ്, നാട്ടറിവ് നാടന് പാട്ട്, പൂര്വ്വ വിദ്യാര്ത്ഥി സംഗമം, ഗുരുവന്ദനം, കായിക മേള, വിദ്യാഭ്യാസ പ്രദര്ശനം, കലോത്സവം, ക്രോസ് കണ്ട്രി, സാംസ്കാരിക സദസ്സ്, കലാമാമാങ്കം തുടങ്ങിയ പരിപാടികളും സംഘടിപ്പിക്കും. പരിപാടിയുടെ വിജയത്തിനായി കണ്ണൂര് കോര്പ്പറേഷന് മേയര് ഇ.പി.ലത, വിദ്യാഭ്യാസ സ്റ്റാന്റിംഗ് കമ്മറ്റി ചെയര്പേഴ്സണ് ഷാഹിന മൊയ്തീന്, കൗണ്സിലര് എം.രാജീവന്, എഇഒ. കെ.എം.സുനില്കുമാര്, റിട്ട.എഇഒ മാരായ കെ.പ്രേമരാജന്, അബൂബക്കര്, വി.വി.പുരുഷോത്തമന് മാസ്റ്റര്, സി.ചന്ദ്രന് മാസ്റ്റര്, അങ്കുരാജന് മാസ്റ്റര് (രക്ഷാധികാരിമാര്), പി.പി.ബാബു (ചെയര്മാന്), സി.അനില്കുമാര്, പി.കെ.മുസ്തഫ (വൈസ് ചെയര്മാന്മാര്), എം.പി.പത്മജ (ജനറല് കണ്വീനര്), വി.അരവിന്ദാക്ഷന്, രാജിത്ത് കുളവയല് (കണ്വീനര്മാര്), കെ.വി.ജയരാജന് (ട്രഷറര്), എന്നിവരെയും വിവിധ സബ് കമ്മറ്റി ഭാരവാഹികളായി വി.വി.അശോകന്മാസ്റ്റര് (പ്രോഗ്രാം കമ്മറ്റി ചെയര്മാന്), രാജ്തെരൂര് (കണ്വീനര്), വി.വി.സജീവന് (ഫിനാന്സ് കമ്മറ്റി ചെയര്മാന്), കെ.വി.ജയരാജന് (കണ്വീനര്), എ.രാജേഷ് (ആര്ട്സ് കമ്മറ്റി ചെയര്മാന്), കെ.മനോജ് കുമാര് (കണ്വീനര്), സി.രാഘവന് (സ്പോര്ട്സ് ആന്റ് ഗെയിംസ് ചെയര്മാന്), ടി.കെ.റഹീസ് (കണ്വീനര്), കെ.പ്രജിത്ത് (പബ്ലിസിറ്റി ചെയര്മാന്), ടി.സി.മനോജ് (കണ്വീനര്) എന്നിവരെ തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: