കുന്നത്തൂര്: ഭാരതീയജനത പാര്ട്ടി മൈനാഗപ്പള്ളി പഞ്ചായത്ത് കമ്മിറ്റിയുടെ നേതൃത്വത്തില് സോഷ്യല് മീഡിയ കൂട്ടായ്മ സംഘടിപ്പിച്ചു. എന്റെ നാട് എന്റെ സ്വന്തം എന്ന കൂട്ടായ്മയില് എല്ലാവരും തങ്ങളുടെ ആശയം പങ്ക് വച്ചു. കേന്ദ്രത്തിലെ ബിജെപി സര്ക്കാരിന്റെ വികസന പദ്ധതികളും പുതിയ ജനോപകാരപ്രദമായ പദ്ധതികളും കൃത്യമായി പഠിച്ചു ഓരോ വീട്ടിലും അവതരിപ്പിക്കാനും അവരെ ബോധ്യപ്പെടുത്തി പദ്ധതികളില് അംഗമാക്കാനും യോഗം തീരുമാനിച്ചു. മൈനാഗപ്പള്ളിയിലെ ജനങ്ങള്ക്ക് സര്ക്കാരുമായും ഓഫീസുകളുമായും ബന്ധപ്പെട്ടതും മറ്റുമുള്ള പരാതികള് സ്വീകരിക്കാന് ഒരു പരാതിസെല് രൂപീകരിക്കാന് തീരുമാനിച്ചു. ഇതിനായി മൊബൈല് നമ്പര് എത്രയും വേഗം നിലവില് വരും. എല്ലാ ഞായറാഴ്ചയും പ്രവര്ത്തകര് ഒത്തു ചേര്ന്ന് സ്വച്ഛ് ഭാരത് അഭിയാന്റെ ഭാഗമായി മൈനാഗപ്പള്ളിയുടെ വിവിധ മേഖലകളിലെ ശുചീകരണ പ്രവര്ത്തനങ്ങള് നടത്താനും യോഗം തീരുമാനിച്ചു.
പഞ്ചായത് ജനറല് സെക്രട്ടറി ബിനോയ് ജോര്ജ് അധ്യക്ഷത വഹിച്ച കൂട്ടായ്മ ആര്എസ്എസ് താലൂക്ക് വ്യവസ്ഥ പ്രമുഖ് രാധാകൃഷ്ണന് ഉദ്ഘാടനം ചെയ്തു. യുവമോര്ച്ച ജില്ലാ ജനറല് സെക്രട്ടറി ജിതിന് ദേവ് മുഖ്യപ്രഭാഷണവും സോഷ്യല് മീഡിയ അവബോധക്ലാസും നടത്തി. യുവമോര്ച്ച താലൂക്ക് കമ്മിറ്റിഅംഗം മഹേഷ് കോ-ഓര്ഡിനേറ്ററായി. ബിജെപി പഞ്ചായത്ത് വൈസ് പ്രെസിഡന്റ് രാജേഷ് കണ്ണങ്കര, യുവമോര്ച്ച മണ്ഡലം പ്രസിഡന്റ് രഞ്ജിത്ത്, ബിജെപി പഞ്ചായത്ത് സെക്രട്ടറി അജയന് കാക്കര, യുവമോര്ച്ച പഞ്ചായത്ത് പ്രസിഡന്റ് ഗണേഷ്, സെക്രട്ടറി വിഷ്ണു, ആര്എസ്എസ് മണ്ഡലം കാര്യവാഹ് സുരേഷ്, അരുണ് ബാബു, സേവാഭാരതി പ്രമുഖ് സുരേഷ് ബാബു, സോഷ്യല് മീഡിയ കോ-ഓര്ഡിനേറ്റര് ജയകൃഷ്ണന്, എസ്.വി.നായര്, വിപിന്പണിക്കര്, അനുരാജ്, അനീഷ് തുടങ്ങിയവരും സംസാരിച്ചു.
പ്രതികരിക്കാൻ ഇവിടെ എഴുതുക: