കോട്ടയം: കോണ്ഗ്രസ്സും, കമ്യൂണിസ്റ്റും സ്വാതന്ത്ര്യത്തിനു മുന്പു മുതല് തന്നെ വര്ഗ്ഗീയതെയും ഭീകരവാദത്തെയും പിന്തുണച്ച് വരുന്നവാരാണെന്ന് ഭാരതീയ യുവമോര്ച്ച സംസ്ഥാന സെക്രട്ടറി എ.കെ നസീര് പറഞ്ഞു. ഭീകരവാദികള് ഇന്ത്യവിടുക, അവരെ പിന്തുണയ്ക്കുന്നവരും എന്ന മുദ്രാവാക്യമുയര്ത്തി ദേശരക്ഷാജ്വാല സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കേരളത്തില് ഇരുമുന്നണികളും മത്സരിച്ച് ഭീകരവാദത്തെ പ്രോത്സാഹിപ്പിക്കുന്ന നയമാണ് സ്വീകരിച്ചിട്ടുള്ളത്. ഇവരുടെ ഇക്കാര്യത്തിലുള്ള അഭിപ്രായങ്ങള് ഇതാണു കാണിക്കുന്നത്. സ്വന്തം പാര്ട്ടിക്കാരെപ്പോലും കൊലപ്പെടുത്തുന്ന നയമാണ് മാര്ക്സിസ്റ്റ് പാര്ട്ടി സ്വീകരിച്ചിരിക്കുന്നത്. ഇതെല്ലാം ഭീകരവാദത്തിന്റെ മുഖമാണ് ഇവരിലൂടെ പുറത്തുവരുന്നത്. ഭീകരവാദത്തിന്റെ വേരുകള് കേരളത്തിലാണെന്നുള്ള അന്വേഷണ ഏജന്സികളുടെ റിപ്പോര്ട്ടുകളും നമ്മെ ആശങ്കപ്പെടുത്തുന്നു എന്നും അദ്ദേഹം പറഞ്ഞു.
യുവമോര്ച്ച ജില്ലാ പ്രസിഡന്റ് അഖില് രവീന്ദ്രന് അദ്ധ്യക്ഷനായിരുന്നു. ബിജെപി ജില്ലാ പ്രസിഡന്റ് എന്.ഹരി, ജനറല് സെക്രട്ടറിമാരായ കെപി സുരേഷ്, ലിജിന് ലാല്, യുവമോര്ച്ച ജില്ലാ ജനറല് സെക്രട്ടറി ലാല്കൃഷ്ണ, സെക്രട്ടറിമാരായ ജയകൃഷ്ണന്, വിഷ്ണുപ്രസാദ്, രാഹുല്, സന്ദീപ് തുടങ്ങിയവര് സംസാരിച്ചു.തുടര്ന്ന് ദേശരക്ഷാജ്വാലയും തെളിയിച്ചു.
പ്രതികരിക്കാൻ ഇവിടെ എഴുതുക: