കോഴിക്കോട്: കേരള എന്ജിഒ സംഘ് 38-ാം ജില്ലാ സമ്മേളനം ഇന്നും, നാളെയുമായി കൊയിലാണ്ടി സൂരജ് ഓഡിറ്റോറിയത്തില് നടക്കും. 17ന് നടക്കുന്ന ജില്ലാ കൗണ്സില് എന്ജിഒ സംഘം സംസ്ഥാന വൈസ് പ്രസിഡന്റ് കെ. ബാലാമണി ഉദ്ഘാടനം ചെയ്യും. ജില്ലാ പ്രസിഡന്റ് ടി. ദേവാനന്ദന്റെ അദ്ധ്യക്ഷതയില് ചേരുന്ന യോഗത്തില് ജില്ലാ സെക്രട്ടറി യു. സതീഷ് കുമാര് വാര്ഷിക റിപ്പോര്ട്ടും ഖജാന്ജി പി.കെ. അനുജിത്ത് വരവ് ചെലവ് കണക്കും അവതരിപ്പിക്കും.
18ന് രാവിലെ 10.30ന് നടക്കുന്ന പ്രതിനിധി സമ്മേളനം രാഷ്ട്രീയ രാജ്യ കര്മ്മചാരി മഹാസംഘ് അഖിലേന്ത്യ വൈസ് പ്രസിഡന്റ് സി. സൂരജ്കുമാര് ഉദ്ഘാടനം ചെയ്യും. എന്ജിഒ സംഘ് മുന് സംസ്ഥാന വര്ക്കിംഗ് പ്രസിഡന്റ് കെ. ദിനേശന് മുഖ്യ പ്രഭാഷണം നടത്തും. ഇ. ദിവാകരന്, ടി.പി. ജയചന്ദ്രന് മാസ്റ്റര്, ഒ.കെ. ധര്മ്മരാജന്, ടി. ദേവദാസ്, പി. അനില്കുമാര്, കെ. മോഹനന്, കെ.പി. ഹരീഷ്, ജില്ലാ സെക്രട്ടറി അഡ്വ. പി. ജയഭാനു എന്നിവര് പ്രസംഗിക്കും.
12 മണിക്ക് നടക്കുന്ന സാംസ്കാരിക സമ്മേളനം എന്ജിഒ സംഘ് മുന് സംസ്ഥാന ജനറല് സെക്രട്ടറി എന്. സദാനന്ദന് ഉദ്ഘാടനം ചെയ്യും. ആര്എസ്എസ് ജില്ലാ പ്രചാര് പ്രമുഖ് ഉമേഷ് വെണ്ണക്കോട് പ്രഭാഷണം നടത്തും. അനുമോദന സംഭയില് എസ്എസ്എല്സി, പ്ലസ്ടു, സംസ്ഥാന കലാമത്സരങ്ങളില് ഉന്നത വിജയികളായവരെ അനുമോദിക്കും. കഥകളി ആചാര്യന് ഗുരുചേമഞ്ചേരി കുഞ്ഞിരാമന് നായരെ ആദരിക്കും.
പ്രതികരിക്കാൻ ഇവിടെ എഴുതുക: