കോട്ടയം: ജോലി എന്നതിലുപരി കൃഷി ജീവിതത്തിന്റെ ഭാഗമാക്കി മാറ്റണമെന്ന് ബിജെപി സംസ്ഥാന വൈസ്പ്രസിഡന്റ് പി.എം.വേലായുധന് അഭിപ്രായപ്പെട്ടു. കര്ഷകദിനത്തോട് അനുബന്ധിച്ച് കര്ഷക മോര്ച്ച ജില്ലാകമ്മിറ്റി സംഘടിപ്പിച്ച തരിശുഭൂമി കൃഷി ഭൂമികയാക്കൂ എന്ന പരിപാടിയുടെ ഉദ്ഘാടനം നിര്വ്വഹിച്ച് സംസാരിക്കുകയായിരുന്നു അദ്ദേഹം. കിടങ്ങൂര് വടശ്ശേരിക്കുഴി പാടശേഖരത്തില് നെല്കൃഷി ആരംഭിക്കുന്നതിന്റെ ഭാഗമായി നിലമൊരുക്കു മഹോത്സവം നടന്നു. കര്ഷകമോര്ച്ച സംസ്ഥാന പ്രസിഡന്റ പി.ആര്. മുരളീധരന്, പി.എം. വേലായുധന് എന്നിവര് ചേര്ന്ന് നിലമുഴുത് നിലമൊരുക്കിന് തുടക്കം കുറിച്ചു. ഉദ്ഘാടന സമ്മേളനത്തില് ബി.ജെ.പി ജില്ലാ പ്രസിഡന്റെ് എന്.ഹരി മുതിര്ന്ന കര്ഷകരെ ഓണപ്പുടവ നല്കി ആദരിച്ചു. ജില്ലാ ജനറല് സെക്രട്ടറിമാരായ കെ.പി. സുരേഷ്, ലിജിന് ലാല്, കര്ഷക മോര്ച്ച സംസ്ഥാന സെക്രട്ടറി ജയപ്രകാശ് വാകത്താനം, മഹിളാമോര്ച്ച സംസ്ഥാന സെക്രട്ടറി മിനി നന്ദകുമാര്, ജില്ലാ ജനറല് സെക്രട്ടറിമാരായ കെ.വി നാരായണന്, അനില് തോട്ടുപുറം, സംസ്ഥാന സമിതിയംഗം കിടങ്ങൂര് സുബ്രഹ്മണ്യന്, എം.ബി. ബാബു, ബി.ജെ.പി മണ്ഡലം പ്രസിഡന്റുമാരായ സുധീപ് നാരായണന്, സോമശേഖരന് നായര്, മോര്ച്ച ജില്ലാ സെക്രട്ടറി ശ്രീകുമാര്, മണ്ഡലം സെക്രട്ടറി രാജേഷ് എന്നിവര് സംസാരിച്ചു. തുടര്ന്ന് നടുതലകള് കൊണ്ടുണ്ടാക്കിയ ചിങ്ങപ്പുഴുക്ക് വിതരണം നടന്നു.
പ്രതികരിക്കാൻ ഇവിടെ എഴുതുക: