കൊയിലാണ്ടി: എന്ജിഒ സംഘ് ജില്ലാ സമ്മേളനം ആരംഭിച്ചു. സര്ക്കാര് സര്വീസിലെ മുഴുവന് ജീവനക്കാര്ക്കും പരിധികളില്ലാതെ 12 ശതമാനം ബോണസ് അനുവദിക്കണമെന്ന് എന്ജിഒ സംഘ് സംസ്ഥാന വൈസ് പ്രസിഡന്റ് കെ. ബാലാമണി ആവശ്യപ്പെട്ടു. എന്ജിഒ സംഘ് 38-ാം ജില്ലാ സമ്മേളനത്തിന്റെ ഭാഗമായുള്ള ജില്ലാ കൗണ്സില് കൊയിലാണ്ടി സൂരജ് ഓഡിറ്റോറിയത്തില് ഉദ്ഘാടനം ചെയ്ത് സംസാരിക്കുകയായിരുന്നു അവര്. മലയാളികളുടെ ദേശീയ ഉത്സവമായ ഓണം ആഘോഷിക്കാന് ജീവനക്കാര്ക്ക് ഒരു മാസത്തെ ശമ്പളം എന്ന് പറഞ്ഞ് സര്ക്കാര് നല്കുന്ന ബോണസ് 3500 രൂപ 10 ശതമാനം ജീവനക്കാര്ക്ക് പോലും ലഭിക്കുന്നില്ലെന്ന് അവര് ചൂണ്ടിക്കാട്ടി.
ബിഎംഎസ് ജില്ലാ ട്രഷറര് എ. ശശീന്ദ്രന് മുഖ്യപ്രഭാഷണം നടത്തി. ജില്ലാ പ്രസിഡന്റ് ടി. ദേവാനന്ദന് അദ്ധ്യക്ഷത വഹിച്ചു. ജില്ലാ സെക്രട്ടറി യു. സതീഷ്കുമാര് വാര്ഷിക റിപ്പോര്ട്ടും, ഖജാന്ജി പി.കെ. അനുജിത്ത് വരവ് ചെലവ് കണക്കും അവതരിപ്പിച്ചു. സമ്മേളനത്തിന്റെ ഭാഗമായുള്ള പ്രതിനിധി സമ്മേളനം ഇന്ന് രാവിലെ 10 മണിക്ക് രാഷ്ട്രീയ രാജ്യ കര്മ്മചാരി മഹാസംഘ് അഖിലേന്ത്യാ വൈസ് പ്രസിഡന്റ് സി. സുരേഷ്കുമാര് ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: