മട്ടാഞ്ചേരി: സാഹോദര്യത്തിന്റെ സന്ദേശമായി രക്ഷാബന്ധന് ആഘോഷം വിദേശികള്ക്ക് വിസ്മയമായി. മട്ടാഞ്ചേരി കൊട്ടാരം സന്ദര്ശിക്കാനെത്തിയ ജര്മ്മന്കാരന് ജോര്ണാള്ഡിനും സുഹൃത്ത് ഡാവിനിക്കും രാഖി ബന്ധിച്ചു. ഭാരതീയ മഹിളാ മോര്ച്ച പ്രവര്ത്തകര് വിദേശികള്ക്ക് രാഖി ബന്ധിച്ച് രക്ഷാബന്ധന് ആഘോഷത്തിന് തുടക്കം കുറിച്ചു. വിനോദ സഞ്ചാരിക്കൊപ്പം വ്യാപാരികള്, ഡ്രൈവര്മാര്, തൊഴിലാളികള് തുടങ്ങിയവരുടെ കൈകളില് രാഖി ബന്ധിച്ചു.
മട്ടാഞ്ചേരിയുടെ വിവിധ ഭാഗങ്ങളില് വടക്കേയിന്ത്യന് സമൂഹത്തോടോപ്പം നാട്ടുകാരും രക്ഷാബന്ധന് ആഘോഷത്തില് പങ്കാളികളായി. കുങ്കുമതിലകം ചാര്ത്തി സഹോദരി രാഖി ബന്ധിക്കുമ്പോള് മധുരവും പണവും സമ്മാനങ്ങളും നല്കി സഹോദരന് രക്ഷാസന്ദേശം നല്കുന്ന പരമ്പരാഗത ചടങ്ങ് വിവിധ ഭവനങ്ങളിലും അരങ്ങേറി. പാലാസ് റോഡ് ഗുജറാത്തി റോസ്ഐഎന്എസ് ദ്രോണാചാര്യ ദക്ഷിണ നാവിക കേന്ദ്രം കഠാരി ഭാഗ്, മുണ്ടംവേലി നാവിക ക്വാര്ട്ടേഴ്സ് തുടങ്ങിയിടങ്ങളില് പരമ്പരാഗത രക്ഷാബന്ധന് ആഘോഷം നടന്നു. ഭാരതീയ മഹിളാ മോര്ച്ചാ ജില്ലാ വൈസ് പ്രസിഡന്റ് കാമിനി ജയന് കൊച്ചി മണ്ഡലം പ്രസിഡന്റ് ലേഖ നായ്ക്ക് വൈസ് പ്രസിഡന്റ് ജെസ്സി സേവ്യര്, ബിജെപി ജോ: സെക്രട്ടറി സരോജം സുരേന്ദ്രന് എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: