മാഹി: മാഹിയില് അധ്യാപക നിയമനത്തിനും ഉച്ചഭക്ഷണം മുടങ്ങുന്നത് തടയാനും നടപടിയെടുക്കണമെന്ന് ആവശ്യപ്പെട്ട് എബിവിപി പ്രക്ഷോഭത്തിലേക്ക്. സമരത്തിന്റെ ആദ്യപടിയായി ഇന്ന് മാഹിയില് പഠിപ്പ് മുടക്കും. പച്ചക്കറിയും പലവ്യഞ്ജനങ്ങളും വിതരണം ചെയ്യുന്ന സ്ഥാപനങ്ങള്ക്കുള്ള കുടിശ്ശിക പൂര്ണ്ണമായും കൊടുത്തു തീര്ത്ത് സ്കൂളുകളില് ഉച്ചഭക്ഷണം മുടങ്ങുന്നത് തടയണമെന്ന് എബിവിപി ആവശ്യപ്പെട്ടു. മാഹിയില് വിവിധ സ്കൂളുകളില് പ്രിന്സിപ്പല്, അധ്യാപിക, അനധ്യാപക തസ്തികകള് ഒഴിഞ്ഞുകിടക്കുകയാണ്. പല സ്കൂളുകളിലും വേണ്ടത്ര അധ്യാപകരില്ലാത്തതില്ലാത്തിനാല് പഠനം മുടങ്ങുന്ന അവസ്ഥയാണ്. മാഹിയിലെ വിദ്യാഭ്യാസ വ്യവസ്ഥ ഉടച്ചുവാര്ക്കേണ്ട സമയമായെന്നും നടപടി സ്വീകരിക്കണമെന്നും എബിവിപി ആവശ്യപ്പെട്ടു. നടപടി സ്വീകരിച്ചില്ലെങ്കില് ശക്തമായ പ്രക്ഷോഭത്തിന് എബിവിപി നേതൃത്വം നല്കുമെന്ന് പ്രസ്താവനയില് മുന്നറിയിപ്പ് നല്കി.
പ്രതികരിക്കാൻ ഇവിടെ എഴുതുക: