റിയോ: ഒളിമ്പിക്സ് വനിതാ ബാഡ്മിന്റനിൽ ഇന്ത്യയുടെ പിവി സിന്ധുവിന് വെള്ളി. ഫൈനൽ പോരാട്ടത്തിൽ ലോക ഒന്നാം നമ്പർ താരമായ സ്പെയിനിന്റെ കരോലിന മരിനാണ് സിന്ധുവിനെ പരാജയപ്പെടുത്തി സ്വർണം സ്വന്തമാക്കിയത്. സ്കോർ: 21–19, 12–21, 15–21.
ആദ്യ ഗെയിം സ്വന്തമാക്കിയ സിന്ധുവിന് അവസാന രണ്ട് ഗെയിമുകളിൽ വിജയിക്കാനായില്ല.രണ്ടാമത്തെയും മൂന്നാമത്തെയും ഗെയിമുകളിൽ കരോലിന ഉയർത്തിയ സ്മാഷുകൾ സിന്ധുവിന് തടയാനായില്ല.
ഇന്ത്യയുടെ ചരിത്രത്തിൽ ആദ്യമായാണ് ഒരു വനിതാ താരം ഒളിമ്പിക്സ് ബാഡ്മിന്റനിൽ വെള്ളി മെഡൽ നേടുന്നത്. ഇന്നലെ നടന്ന സെമിഫൈനലിൽ ജപ്പാന്റെ നൊസോമി ഒകുഹാരയെ തോൽപിച്ചാണ് സിന്ധു ഫൈനലിലെത്തിയത്.
പ്രതികരിക്കാൻ ഇവിടെ എഴുതുക: