ചവറ: കെഎസ്ആര്ടിസി കണ്ടക്ടറായ യുവതിയെ കഴുത്തറത്ത് കൊലപ്പെടുത്തിയ സംഭവത്തില് കൊലക്ക് ഉപയോഗിച്ചെന്ന് കരുതുന്ന രണ്ട് കത്തികള് പോലീസ് വീട്ടില് നിന്നും കണ്ടെത്തി.
കോയിവിള ബംഗ്ലാവില്( കിഴക്കേപുരയില്) വല്ലരിയാന് ബാബുവിന്റെ ഭാര്യ ഡോമി ബ്രയര്ലി(36)യെ ആണ് കഴിഞ്ഞ ദിവസം വീടിനുള്ളിലെ കുളിമുറിയില് കഴുത്തില് ആഴത്തില് മുറിവേറ്റ് മരിച്ച നിലയില് കണ്ടെത്തിയത്. ഇവരുടെ കഴുത്തില് പതിനാലില്പ്പരം മുറിവുകള് ഉള്ളതായും ആഴത്തിലേറ്റമുറിവാണ് മരണകാരണമെുമാണ് പ്രാഥമിക നിഗമനം. കൊലപാതകവുമായി ബന്ധപ്പെട്ട് ഭര്ത്താവ് ബാബുവിനെ ചുറ്റിപ്പറ്റിയാണ് അന്വേഷണം നടക്കുന്നത്.
അമിത ഉറക്ക ഗുളിക കഴിച്ച് അവശനിലയില് ആലപ്പുഴ മെഡിക്കല് കോളേജ് ആശുപത്രിയില് പ്രവേശിപ്പിച്ച ബാബുവിന്റെ നില മെച്ചപ്പെട്ടെങ്കിലും ഇതുവരെ ഇയാളെ പൊലീസിന് ചോദ്യം ചെയ്യാനായില്ല. ഇന്നലെ പൊലീസ് മൃതദേഹം കിടന്ന മുറിയിലെ തട്ടില് നിന്നാണ് കത്തികള് കണ്ടെത്തിയത്. ഇതില് ഒന്നില് രക്തകറ പുരണ്ട നിലയിലായിരുന്നു.
പ്രതികരിക്കാൻ ഇവിടെ എഴുതുക: