ആലപ്പുഴ: ശ്രീകൃഷ്ണജയന്തി ആഘോഷങ്ങളുടെ വരവറിയിച്ച് ബാലഗോകുലത്തിന്റെ ആഭിമുഖ്യത്തില് നാടെങ്ങും ശ്രീകൃഷ്ണ പതാകകള് ഉയര്ന്നു. ആയിരക്കണക്കിന് കേന്ദ്രങ്ങളിലാണ് ഇന്നലെ പതാകകള് ഉയര്ന്നത്. സ്ത്രീകളും കുട്ടികളും അടക്കം ഭജനപാടി പരിപാടിയില് പങ്കെടുത്തു. ”തൈ വയ്ക്കാം തണലേകാം താപമകറ്റാം” എന്നതാണ് ഈ വര്ഷത്തെ ജന്മാഷ്ടമി സന്ദേശം. സാംസ്ക്കാരിക സമ്മേളനം, ശ്രീകൃഷ്ണപ്രശ്നോത്തരി മത്സരം, ഉറിയടിഘോഷയാത്ര, ഗോപിക നൃത്തം തുടങ്ങിയ പരിപാടികളും ബാലഗോകുലം സംഘടിപ്പിക്കും. പല്ലുവേലില് സ്കൂളിനു മുന്നില് നടന്ന പതാകദിനാചരണ ഉദ്ഘാടന ചടങ്ങില് ആലപ്പുഴ ജില്ലാ ബൗദ്ധിക് പ്രമുഖ് സുബ്രഹ്മണ്യന് കൃഷ്ണപതാക ഉയര്ത്തി. ഈ വര്ഷത്തെ ശ്രീകൃഷ്ണ ജയന്തി മരം നടാം ചൂടകറ്റാം എന്ന സന്ദശത്തിന്റെ ഉത്ഘാടനം ബേബി നിര്വഹിച്ചു.
ബാലഗോകുലം പാണാവള്ളി താലൂക്ക് സമിതിയുടെ നേതൃത്വത്തില് 150 കേന്ദ്രങ്ങളില് ബാലദിനാഘോഷങ്ങള്ക്ക് തുടക്കം കുറിച്ച് കാവിപതാകകള് ഉയര്ത്തി. പെരുമ്പളം, അരൂക്കുറ്റി, തൃച്ചാറ്റുകുളം, പാണാവള്ളി, പൂച്ചാക്കല്, തൈക്കാട്ടുശ്ശേരി, മാക്കേക്കടവ്, കളത്തില്, തിരുനല്ലൂര് എന്നിവിടങ്ങളിലാണ് മഹാശോഭായാത്രകള് സംഘടിപ്പിക്കുന്നത്. 70 ശോഭായാത്രകളും, ആറുമഹാശോഭായാത്രകളും ബാലഗോകുലത്തിന്റെ നേതൃത്വത്തില് ഇവിടെ നടക്കും.
പൂച്ചാക്കല് നടന്ന ബാലഗോകുലം പതാകദിനാചരണ ഉദ്ഘാടന ചടങ്ങില് ആര്എസ്എസ് പാണാവള്ളി താലൂക്ക് കാര്യവാഹ് കെ.എം. മഹേഷ് കൃഷ്ണപതാക ഉയര്ത്തി. തുറവൂര്, ചേര്ത്തല, കലവൂര്, ആലപ്പുഴ, അമ്പലപ്പുഴ, എടത്വ, കുട്ടനാട് താലൂക്കുകളിലും പതാക ദിനം സമുചിതമായി ആചരിച്ചു.
പ്രതികരിക്കാൻ ഇവിടെ എഴുതുക: