ആലപ്പുഴ: നഗരത്തിലെ മാലിന്യ സംസ്ക്കരണവും ജൈവ കൃഷി പദ്ധതിയും ശാന്തിഗിരി ആശ്രമവുമായി സഹകരിച്ച് നടപ്പാക്കുമെന്ന് നഗരസഭ അധ്യക്ഷന് തോമസ് ജോസഫ് പറഞ്ഞു.
ആശ്രമത്തില് ദൈനം ദിനം കുമിഞ്ഞുകൂടുന്ന മാലിന്യങ്ങള് ശാസ്ത്രീയമായി സംസ്ക്കരിക്കുന്ന രീതി നടപ്പാക്കുന്നതിലൂടെ നഗരത്തിലെ മാലിന്യ പ്രശ്നത്തിന് പരിഹാരം കണ്ടെത്താന് കഴിയും. വളരെക്കാലമായി തരിശു കിടക്കുന്ന കരളകം പാടത്ത് കൃഷി തുടങ്ങുന്നതിന് ശാന്തിഗിരി ആശ്രമവുമായി ആലോചിച്ച് പദ്ധതികള്കള്ക്ക് രൂപം നല്കുമെന്നും അദ്ദേഹം പറഞ്ഞു.
ശാന്തിഗിരി ആശ്രമ സ്ഥാപകഗുരു നവജ്യോതിശ്രീ കരുണാകരഗുരുവിന്റെ നവതി ആഘോഷത്തോടനുബന്ധിച്ച് നടന്ന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ചലച്ചിത്ര ഗാനരചയിതാവ് രാജീവ് ആലുങ്കല് അദ്ധ്യക്ഷത വഹിച്ചു. ജനനന്മ ജ്ഞാന തപസ്വി മുഖ്യപ്രഭാഷണം നടത്തി.
മെയ് 21ന് തുടക്കം കുറിച്ച ഒരു വര്ഷം നീണ്ടു നില്ക്കുന്ന നവതി ആഘോഷ പരിപാടികള് 2017 സെപ്റ്റംബര് 20ന് പൂര്ണ്ണ കുംഭമേളയോടെയാണ് സമാപിക്കുന്നത്.
പ്രതികരിക്കാൻ ഇവിടെ എഴുതുക: