ആലപ്പുഴ: ഇരുചക്രവാഹന യാത്രികര് പെട്രോള് നിറയ്ക്കാന് പമ്പില് ചെല്ലുമ്പോള് ഹെല്മറ്റ് ധരിച്ചിരിക്കണമെന്ന സംസ്ഥാന മനുഷ്യാവകാശ കമ്മീഷന്റെ ശുപാര്ശയടങ്ങിയ ഉത്തരവ് നിയമവിരുദ്ധവും മനുഷ്യാവകാശലംഘനവുമായതിനാല് റദ്ദാക്കണമെന്ന ആവശ്യത്തിനു നിലനില്പ്പില്ലെന്നു ചെയര്മാന് ജസ്റ്റിസ് ജെ.ബി. കോശി. കമ്മീഷന്റെ ഉത്തരവു നിയമവിരുദ്ധമാണെന്നു വാദമുണ്ടെങ്കില് ഹൈക്കോടതിയില് ചോദ്യം ചെയ്യാവുന്നതാണെന്നു കമ്മീഷന് വ്യക്തമാക്കി.
തത്തംപള്ളി റസിഡന്റ്സ് അസോസിയേഷന് പ്രസിഡന്റ് തോമസ് മത്തായി കരിക്കംപള്ളില് സമര്പ്പിച്ച പുനഃപരിശോധനാ ഹര്ജി തള്ളിയാണ് കമ്മീഷന് ചെയര്പേഴ്സണ് നിലപാട് വ്യക്തമാക്കിയത്. ഉത്തരവ് നിയമവിരുദ്ധമല്ലെന്നും ജീവിക്കാനുള്ള അവകാശത്തിന്റെ മനുഷ്യാവകാശ സംരക്ഷണമാണ് വിവക്ഷിച്ചതെന്നുമാണ് കമ്മീഷന്റെ നിലപാട്.
ഇരുചക്രവാഹനയാത്രികര്ക്ക് ഹെല്മറ്റില്ലെങ്കില് പെട്രോള് നല്കേണ്ടതില്ലെന്ന ഇന്ധനപമ്പുകാര്ക്കുള്ള ട്രാന്സ്പോര്ട്ട് കമ്മീഷണറുടെ ഉത്തരവ് മനുഷ്യാവകാശ ലംഘനമാണെന്നു ചുണ്ടിക്കാട്ടിയും ആ ഉത്തരവിനെ ചോദ്യം ചെയ്തും സമര്പ്പിച്ചിരുന്ന ഹര്ജി തള്ളിയ കമ്മീഷന് ഉത്തരവ് പുനഃപരിശോധനാ വിധേയമാക്കണമെന്നായിരുന്നു തോമസിന്റെ ആവശ്യം.
പ്രതികരിക്കാൻ ഇവിടെ എഴുതുക: