കൊച്ചി: അമേരിക്ക ആസ്ഥാനമായ ഫുള് കോണ്ടാക്ട് കേരളം ആസ്ഥാനമായി പ്രവര്ത്തിക്കുന്ന പ്രൊഫൗണ്ടിസിന്റെ ഏറ്റെടുക്കല് പ്രഖ്യാപിച്ചു. കേരളം ആസ്ഥാനമായി പ്രവര്ത്തിക്കുന്ന ടെക്നോളജി എനേബിള്ഡ് ഹ്യൂമന് വെരിഫൈഡ് ഡാറ്റ റിസര്ച്ച് പ്ലാറ്റ്ഫോമാണ് പ്രൊഫൗണ്ടിസ്. കേരളത്തിലെ സ്റ്റാര്ട്ടപ്പ് സമൂഹത്തില് ഇത്തരത്തിലുള്ള ആദ്യത്തെ ഏറ്റെടുക്കലാണിത്.
എയ്ഞ്ചല് നിക്ഷേപകരുടെ സാമ്പത്തികപിന്തുണയില് 2015 മുതല് പ്രവര്ത്തിച്ചുവരുന്ന പ്രൊഫൗണ്ടിസ് 2012 ലാണ് സ്ഥാപിതമായത്. ചെങ്ങന്നൂരിലെ കോളേജ് ഓഫ് എഞ്ചിനീയറിംഗില് പഠനം പൂര്ത്തിയാക്കിയ സഹപാഠികളായ ടെക്നോളജി പ്രൊഫഷണലുകളാണ് സ്ഥാപനത്തിന്റെ ചാലകശക്തികള്. കൊച്ചിയിലെ സ്റ്റാര്ട്ടപ്പ് വില്ലേജില് പ്രവര്ത്തിക്കുന്ന പ്രൊഫൗണ്ടിസാണ് മൈക്രോസോഫ്റ്റ് വെഞ്ചേഴ്സ് ആക്സിലറേറ്റര് പ്രോഗ്രാമിലേക്ക് കേരളത്തില്നിന്നും തെരഞ്ഞെടുക്കപ്പെട്ട ആദ്യകമ്പനി. പ്രൊഫൗണ്ട്സിനെ ഫുള് കോണ്ടാക്ട് വാങ്ങുന്നതിന്റെ തുടര്ച്ചയിലുള്ള 25 ദശലക്ഷം ഡോളറിന്റെ പുതിയ ഫണ്ടിങ് കമ്പനി വളര്ച്ച ത്വരിതപ്പെടുത്തുന്നതിനും മികവുറ്റ തൊഴില് ശക്തി സമാഹരിക്കുന്നതിനും മറ്റ് ഏറ്റെടുക്കലുകള്ക്ക് ധനം കണ്ടെത്തുന്നതിനും വിനിയോഗിക്കും.
ഏറ്റവും മികവുറ്റതും സമഗ്രവും കാലികവുമായ അഡ്രസ്ബുക്ക് ഈ ഭൂമിയിലുണ്ടാകുകയെന്നതാണ് തങ്ങളുടെ ലക്ഷ്യമെന്ന് ഫുള് കോണ്ടാക്ട് സിടിഒ സ്കോട്ട് ബ്രേവ് പറഞ്ഞു. യന്ത്രബുദ്ധിയെ മനുഷ്യബുദ്ധിയുമായി ഏകോപിപ്പിക്കുന്നതിലൂടെ മാത്രമാണ് ഇത് ആര്ജിക്കാനാവുകയെന്നും അദ്ദേഹം ചൂണ്ടിക്കാട്ടി.
പ്രൊഫൗണ്ട്സിന്റെ 70 ജീവനക്കാരും ഫുള് കോണ്ടാക്ടിന്റെ ഭാഗമാകും. ഇവരില് ഭൂരിഭാഗവും കൊച്ചിയില് തുടര്ന്ന് ആഗോള സംഘത്തിന്റെ ഭാഗമെന്ന നിലയില് ഹ്യൂമന് ബേസ്ഡ് ഡാറ്റ റിസര്ച്ചില് പങ്കാളികളാകുകയും ചെയ്യും.ബിസിനസുകള്ക്കും വ്യക്തികള്ക്കും വിഷയപ്രസക്തമായ അധിക ഡാറ്റ നല്കി അവരെ സഹായിക്കുന്ന ദൗത്യത്തിലാണ് പ്രൊഫൗണ്ടിസ് ഏര്പ്പെട്ടിരുന്നത്.
സൗജന്യ ആപ്ലിക്കേഷനുകളിലൂടെ ദശലക്ഷക്കണക്കിനാളുകള് ഉപയോഗിക്കുന്ന ഫുള് കോണ്ടാക്ട് എന്റര്പ്രൈസസ് ഉപഭോക്താക്കള് എപിഐ, പ്ലാറ്റ്ഫോം പങ്കാളികള് എന്നിവര്ക്കും ലഭ്യമാണ്. ഐഒഎസ്, മാക്, ആന്ഡ്രോയ്ഡ്, ജിമെയില്, വെബ് എന്നിവയിലായി ഫുള് കോണ്ടാക്ട് വ്യാപിച്ചുകിടക്കുന്നു.
ഐ ക്ലൗഡ്, മൈക്രോസോഫ്റ്റ് ഓഫീസ് 365, മൈക്രോസോഫ്റ്റ് എക്സ്ചേഞ്ച്, മള്ട്ടിപ്പിള് ഗൂഗിള് ഇ മെയില് അക്കൗണ്ടുകള് എന്നിവ തമ്മില് ടു വേ സിങ്ക്രണൈസേഷനും ഫുള് കോണ്ടാക്ട് പിന്തുണ നല്കുന്നു.കേരളത്തിനും സ്റ്റാര്ട്ടപ്പ് സമൂഹത്തിനും പ്രൊഫൗണ്ട്സിന്റെ ഏറ്റെടുക്കല് സുപ്രധാന നാഴികക്കല്ലാണ്. പ്രൊഫൗണ്ട്സിന്റെ സാരഥികളായ അര്ജുന് ആര്. പിള്ള, ജോഫിന് ജോസഫ്, ഫുള് കോണ്ടാക്ടിന്റെ ബ്രേവും പത്രസമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: