മൂന്നാര്: നാട്ടുവൈദ്യത്തിന്റെ മറവില് കഞ്ചാവ് വില്പ്പന നടത്തിവന്നയാള് ദേവികുളം എക്സൈസിന്റെ പിടിയില്. മറയൂര് സ്വദേശി മയില് സ്വാമി (48)യെ ആണ് എകസൈസ് റേഞ്ച് ഇന്സ്പെക്ടര് കെ ബി ബിജുവിന്റെ നേതൃത്വത്തിലുള്ള സംഘം പിടികൂടിയത്.
ഇയാളില് നിന്നും 100 ഗ്രാം കഞ്ചാവും പിടിച്ചെടുത്തു. വിദ്യാര്ത്ഥികള്ക്കും ടൂറിസ്റ്റുകള്ക്കും പൊതിയാക്കി കഞ്ചാവ് വില്പ്പന നടത്തി വന്നിരുന്ന ആളാണ് പ്രതി. കഞ്ചാവ് വില്പ്പനയ്ക്കിടെ മൂന്നാര് ടൗണില് നിന്നാണ് ചൊവ്വാഴ്ച വൈകിട്ട് പ്രതി പിടിയിലാകുന്നത്. ഉദുമല്പ്പേട്ടിയില് നിന്നും എത്തിക്കുന്ന കഞ്ചാവ് നാട്ടുവൈദ്യത്തിന്റെ മറപിടിച്ചാണ് വിറ്റിരുന്നത്.
ദിവസങ്ങളായി പ്രതി നിരീക്ഷണത്തിലായിരുന്നു. ഒരു മാസം മുന്പ് 1.5 കിലോ കഞ്ചാവുമായി ഒരാള് ഇവിടെ പിടിയിലായിരുന്നു. ഉദ്യോഗസ്ഥരായ അനു ബാബു കെ, മീരാന് കെ എസ്, സുരേഷ് കെ എം, വിനേഷ് സി എസ്, ബാല സുബ്രഹ്മണ്യന്, ഷൈജു വി റ്റി, ഷിജോ അഗസ്റ്റിന് എന്നിവരും സംഘത്തിലുണ്ടായിരുന്നു.
പ്രതികരിക്കാൻ ഇവിടെ എഴുതുക: