ന്യൂദല്ഹി: മുംബൈയില് നിന്ന് ന്യൂജഴ്സിയിലെ നെവാര്ക്ക് വിമാനത്താവളത്തിലേക്കു യാത്ര തിരിച്ച എയര് ഇന്ത്യ വിമാനം സാങ്കേതിക തകരാറിനെ തുടര്ന്ന് കസാഖിസ്ഥാനിലിറക്കി. വിമാനത്തിലെ യാത്രക്കാരെല്ലാം സുരക്ഷിതരാണെന്ന് എയര് ഇന്ത്യ വക്താവ് അറിയിച്ചു.
ഇന്നു പുലര്ച്ചെ 2.25നാണ് മുംബൈ വിമാനത്താവളത്തില്നിന്നു വിമാനം യാത്ര തിരിച്ചത്. എന്നാൽ കാര്ഗോ വിഭാഗത്തിലെ ഫയര് അലാറം മുഴങ്ങിയതിനെത്തുടര്ന്ന് വിമാനം രാവിലെ എട്ടോടുകൂടി കസാഖിസ്ഥാനില് ഇറക്കുകയായിരുന്നു.
കാര്ഗോയില് വേഗം നശിച്ചുപോകുന്ന ചില സാധനങ്ങള് വരുന്ന സാഹചര്യത്തില് അലാറം മുഴങ്ങാറുണ്ട്. വിദഗ്ധര് വിമാനം പരിശോധിക്കുകയാണ്.
പ്രതികരിക്കാൻ ഇവിടെ എഴുതുക: