പാനൂര്: കാക്കയങ്ങാട് ബാലഗോകുലം സംഘടിപ്പിച്ച ശ്രീകൃഷ്ണജയന്തി ശോഭായാത്രക്കു നേരെ നടന്ന സിപിഎം അക്രമത്തില് പ്രതിഷേധിച്ച് പാനൂരില് ഹിന്ദുഐക്യവേദി പ്രവര്ത്തകര് പ്രകടനം നടത്തി. ശക്തിദുര്ഗം കാര്യാലയത്തില് നിന്നും ആരംഭിച്ച പ്രകടനം ടൗണ്ചുറ്റി പുത്തൂര് റോഡില് സമാപിച്ചു. സിപിഎം അസഹിഷ്ണുതാ രാഷ്ട്രീയത്തിന്റെ പ്രകടിതമായ രൂപമാണ് പിഞ്ചുകുട്ടികള് പങ്കെടുക്കുന്ന ശോഭായാത്രയ്ക്കു നേരെ പോലും നടന്നുകൊണ്ടിരിക്കുന്നതെന്ന് വിഎച്ച്പി സംസ്ഥാന സെക്രട്ടറി ടി.രാജശേഖരന് പറഞ്ഞു. പ്രകടനത്തിനു ശേഷം നടന്ന യോഗത്തില് സംസാരിക്കുകയായിരുന്നു അദ്ദേഹം. ശ്രീകൃഷ്ണജയന്തി ആഘോഷത്തിലെ ജനപങ്കാളിത്തമാണ് ഇവരെ അക്രമത്തിനു പ്രേരിപ്പിക്കുന്നത്. അക്രമികള്ക്കെതിരെ ബഹുജന പ്രക്ഷോപം ഉയര്ന്നു വരണം. അക്രമികള്ക്കെതിരെ കര്ശനനടപടി സ്വീകരിക്കാന് പോലീസ് തയ്യാറാകണമെന്നും അദ്ദേഹം കൂട്ടിച്ചേര്ത്തു. ആര്എസ്എസ് താലൂക്ക് കാര്യവാഹ് എന്പി.ശ്രീജേഷ് അദ്ധ്യക്ഷത വഹിച്ചു. ആര്എസ്എസ് ജില്ലാശാരീരിക്ക് ശിക്ഷണ്പ്രമുഖ് കെസി.വിഷ്ണു, ബിജെപി മണ്ഡലം പ്രസിഡണ്ട് കെകെ.കുഞ്ഞിക്കണ്ണന് മാസ്റ്റര്, ഹിന്ദുഐക്യവേദി നേതാവ് കൊല്ലംമ്പറ്റ പ്രേമന്, സി.പി.സംഗീത, എന്.രതി, കെ.കെ.ചന്ദ്രന്, രാജേഷ്കൊച്ചിയങ്ങാടി, സി.പി.രാജീവന്, കെ.കാര്ത്തിക, കെ.പി.മഞ്ജുള, ചന്ദ്രികവാസുദേവ്, കെ.വി.പ്രമോദ്, സിവി.രാജേഷ്, കെ.പി.ജിഗീഷ്, കെ.അദീഷ്, സിടികെ.അനീഷ് തുടങ്ങിയവര് പ്രകടനത്തിന് നേതൃത്വം നല്കി.
പ്രതികരിക്കാൻ ഇവിടെ എഴുതുക: