കോഴിക്കോട്:ബാലഗോകുലം പാറോപ്പടി- മലാപ്പറമ്പ് മണ്ഡലങ്ങളിലെ ശോഭായാത്ര മലാപ്പറമ്പ് മണ്ണത്തുക്കണ്ടി ഭഗവതി ക്ഷേത്രത്തില് നിന്ന് ആരംഭിച്ചു. സ്വാഗതസംഘം അദ്ധ്യക്ഷന് പി.കെ.സുനില് ഉദ്ഘാടനം ചെയ്തു ക്ഷേത്രപരിസരത്ത് അരയാല് വൃക്ഷത്തെ വെച്ചു. കൗണ്സലിര് മാരായ ഇ.പ്രശാന്ത്കുമാര്, ജിഷ ഗിരീഷ് എന്നിവരും എന്.പി.സോമന്, പി. ഭാസ്കരന്, പി.ശിബി, വി. വിജയരാജ്,കെ.സേതുമാധവന്, എം.പ്രബീഷ് തുടങ്ങിയവര് പങ്കെടുത്തു. ശോഭയാത്ര വെള്ളിമാട്കുന്ന് മാതാ അമൃതാനന്ദമയി മഠം ബ്രഹ്മസ്ഥാന ക്ഷേത്രത്തില് സമാപിച്ചു.
വെങ്ങളം മേഖലാ ശോഭായാത്രകള് അഴീക്കല് ഭുവനേശ്വരിക്ഷേത്രം, കണ്ണന്കടവ് ശ്രീ കുറുംബഭഗവതി ക്ഷേത്രം, കൃഷ്ണകുളം ദേവസ്ഥാനം, വികാസ നഗര് എന്നിവിടങ്ങളില് നിന്നും ആരംഭിച്ചു. മഹാശോഭായാത്രയായി സംഗമിച്ച് കാട്ടിലപീടികയില് നിന്നും ഹംസക്കുളങ്ങര മേലേടത്ത് ശിവക്ഷേത്രത്തില് സമാപിച്ചു.
കോടഞ്ചേരി: വലിയകൊല്ലി ബാലഗോകുലത്തിന്റെ നേതൃത്വത്തില് മറമ്പാത്തില് മുറമ്പാത്തി ജിഎല്പി സ്കൂളില് നിന്ന് ശോഭായാത്ര ആരംഭിച്ചു. തോട്ടുംമുഴിവഴി വലിയകൊല്ലി മഹാദേവക്ഷേത്രത്തില് സമാപിച്ചു. ശോഭയാത്രക്ക് ക്ഷേത്രം പ്രസിഡന്റ് ശശികാവും പുറത്ത് സ്വീകരണം നല്കി. ദിവാകരന് നായര്, കുഞ്ഞന് കൊട്ടാരപറമ്പില്, പൊന്നപ്പന് കൊളത്താപ്പിള്ളി, വിപിന്ദാസ്, ടി.എന്, ഷൈജു തുടങ്ങിയവര് നേതൃത്വം നല്കി.
കുന്നുമ്മല്: വട്ടോളി ശ്രീ വിശ്വമൂര്ത്തീ ക്ഷേത്രത്തില് നിന്നാരംഭിച്ച ശോഭായാത്ര വട്ടോളി, അമ്പലക്കുളങ്ങര കക്കട്ട് വഴി കുന്നുമ്മല്ശ്രീ ഭഗവതീക്ഷേത്രത്തില് സമാപിച്ചു. ആദിത്യന് കക്കട്ടില്, എം.പി.രാജന്, എം.എം രാധാകൃഷ്ണന്, പി. കുമാരന്,സി.സി.ചന്ദ്രന്, കെ.ടി.ബാബു എന്നിവര് നേതൃത്വം നല്കി
മേപ്പയ്യൂര്: ബാലഗോകുലത്തിന്റെ ആഭിമുഖ്യത്തില് മേപ്പയ്യൂരില് ശ്രീകൃഷ്ണ ജയന്തി ആഘോഷിച്ചു. കണ്ഠമനശാലാ ക്ഷേത്രം രാവറ്റമംഗളം വിഷ്ണു ക്ഷേത്രം,കാട്ടുമഠം, പരദേവതാ ക്ഷേത്രം, കീഴ്പ്പയ്യൂര് നരിക്കുനി അയ്യപ്പഭജനമഠം, വിളയാട്ടൂര്, അയ്യറോത്ത് പരദേവതാക്ഷേത്രം, കുട്ടിചാത്തന് കണ്ടി ക്ഷേത്രം ,കീഴ്പ്പയ്യൂര് – വെസ്റ്റ് അയ്യപ്പഭജനമഠം, ഓളോരാപാറ എന്നിവിടങ്ങളില് നിന്നും ആരംഭിച്ച ശോഭായാത്രകള് മേപ്പയ്യൂര് ഹൈസ്ക്കൂളിന് സമീപം അമ്പാടിനഗറില് സംഗമിച്ച് മഹാശോഭായാത്രയായി മേപ്പയ്യൂര്, നഗരപ്രദക്ഷിണത്തില് ശേഷം ദ്വാരകാ നഗറില് സമാപിച്ചു.
പ്രതികരിക്കാൻ ഇവിടെ എഴുതുക: