ന്യൂദല്ഹി: ട്വിറ്ററില് ഏറ്റവും കൂടുതല് പേര് പിന്തുടരുന്ന ഭാരതീയരില് പ്രധാനമന്ത്രി നരേന്ദ്രമോദി ഒന്നാമതായി. 2.21 കോടി ആളുകളാണ് ട്വിറ്ററില് മോദിയെ പിന്തുടരുന്നത്. 2.20 കോടി പേര് പിന്തുടരുന്ന ബോളിവുഡ് താരം അമിതാബ് ബച്ചനെയാണ് മോദി പിന്നിലാക്കിയത്. മോദിയുടെ ജനപ്രീതിയ്ക്ക് തെളിവാണ് സമൂഹമാധ്യമങ്ങളിലെ മുന്നേറ്റം.
കഴിഞ്ഞ ജനുവരിയില് ബോളിവുഡ് താരം ഷാരൂഖ് ഖാനെ മറികടന്ന് മോദി രണ്ടാമതെത്തിയിരുന്നു. 2.09 കോടി ആളുകളാണ് ഷാരൂഖിനെ പിന്തുടരുന്നത്. 2015ല് മോദിയെ പിന്തുടരുന്നവരില് ഓരോ മാസവും 10 ലക്ഷം വീതം വര്ദ്ധനവുണ്ടായി. ഈ വര്ഷം 50 ലക്ഷം പുതിയ ആളുകളാണ് മോദിയെ പിന്തുടര്ന്നത്. സല്മാന് ഖാന് (1.91 കോടി), ആമിര്ഖാന് (1.83 കോടി) എന്നിവരാണ് നാലും അഞ്ചും സ്ഥാനങ്ങളില്.
2009ല് ഗുജറാത്ത് മുഖ്യമന്ത്രിയായിരിക്കെയാണ് മോദി ട്വിറ്ററിലെത്തിയത്.
അമേരിക്കന് പ്രസിഡണ്ട് ബരാക് ഒബാമ കഴിഞ്ഞാല് ലോകത്ത് ഏറ്റവുമധികം ആളുകള് പിന്തുടരുന്ന രാഷ്ട്രീയ നേതാവാണ് മോദി. സമൂഹമാധ്യമങ്ങളെ ഫലപ്രദമായി ഉപയോഗിക്കുന്ന മോദി മെയ്ക് ഇന് ഇന്ത്യ, സ്വഛ്ഭാരത്, മന് കീ ബാത് തുടങ്ങിയ സര്ക്കാര് പദ്ധതികള്ക്ക് ട്വിറ്ററിലൂടെ പ്രചാരം നല്കിയിരുന്നു. അടുത്തിടെ മോദി ആരംഭിച്ച സെല്ഫി വിത് ഡോട്ടര് (മകള്ക്കൊപ്പം ഒരു സെല്ഫി) വലിയ വിജയമായിരുന്നു.
പ്രതികരിക്കാൻ ഇവിടെ എഴുതുക: