പാലാ: സംഘര്ഷമുണ്ടാക്കി സംഘടനയെ പിടിച്ചുനിര്ത്താനാണ് സിപിഎം ശ്രമമെന്ന് ബിജെപി സംസ്ഥാന കൗണ്സില് അംഗം ബി. രാധാകൃഷ്ണമേനോന്. ബിജെപി കോട്ടയം ജില്ലയില് ആഹ്വാനം ചെയ്ത കരിദിനത്തോടനുബന്ധിച്ച് പാലാ നിയോജകമണ്ഡലത്തിലെ പ്രതിഷേധ പ്രകടനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സിപിഎം ആശയപരമായി സമ്പൂര്ണ്ണമായി പരാജയപ്പെട്ടു. ചട്ടമ്പിസ്വാമികളുടെയും ശ്രീനാരായണ ഗുരുവിന്റെയും വിവേകാനന്ദന്റെയും ജയന്തി ആഘോഷിക്കാന് മാത്രമാകാതെ സല്ബുദ്ധി ഉണ്ടാകുവാന് ഈശ്വരനോട് പ്രാര്ത്ഥിക്കുവാന് കൂടി അണികളോട് നേതാക്കള് ഉപദേശിക്കണമെന്നും അദ്ദേഹം പറഞ്ഞു.
യോഗത്തില് നിയോജകമണ്ഡലം പ്രസിഡന്റ് സോമശേഖരന് തച്ചേട്ട് അദ്ധ്യക്ഷത വഹിച്ചു. സംസ്ഥാന സമിതിയംഗം പ്രൊഫ. ബി. വിജയകുമാര്, ജില്ലാ വൈസ് പ്രസിഡന്റ് എന്.കെ. ശശികുമാര് എന്നിവര് പ്രസംഗിച്ചു. നിയോജകമണ്ഡലം ജനറല് സെക്രട്ടറിമാരായ ജി. രണ്ജിത്ത്, അനില്നാഥ്, ജില്ലാ സെക്രട്ടറി കമലമ്മ, മഹിളാമോര്ച്ച ജില്ലാ ജനറല് സെക്രട്ടറി സുഭസുന്ദര്രാജ്, നിയോജകമണ്ഡലം വൈസ് പ്രസിഡന്റുമാരായ ബാലകൃഷ്ണന് നായര് പരിയാത്ത്, ദീപു, സെക്രട്ടറിമാരായ സരീഷ് എലിക്കുളം, കെ.കെ. സജീവ്, ബിഎംഎസ് നേതാക്കളായ കുട്ടികൃഷ്ണന്, ഹരി എന്നിവര് പ്രതിഷേധ പ്രകടനത്തിന് നേതൃത്വം നല്കി.
പ്രതികരിക്കാൻ ഇവിടെ എഴുതുക: