വടകര: കേരളത്തിലെ ബിജെപിയുടെ വളര്ച്ച ഇടത് വലത് മുന്നണികളെ ആശങ്കപ്പെടുത്തുന്നതിന്റെ അപസ്വരങ്ങളാണ് കോണ്ഗ്രസ്, സിപിഎം ചര്ച്ചകളില് ഉടനീളം കാണുന്നതെന്ന് ബിജെപി മേഖല പ്രസിഡന്റ് വി.വി. രാജന് പറഞ്ഞു. ബിജെപി നടക്കുതാഴ ഏരിയകമ്മിറ്റി സംഘടിപ്പിച്ച കുങ്ങോട്ട് ബാലകൃഷ്ണന് അനുസ്മരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സമൂഹത്തിലെ പിന്നോക്ക വിഭാഗങ്ങള്ക്ക് നിരവധി ക്ഷേമപദ്ധതികള്നടപ്പിലാക്കി നരേന്ദ്രമോദി സര്ക്കാര് കുതിക്കുമ്പോള് ബിജെപി ഭരണമില്ലാത്ത യുപി, ബിഹാര് മുതലായസംസ്ഥാനങ്ങളില് നടക്കുന്ന ദളിത് പീഢനങ്ങള് നരേന്ദ്രമോദിയുടെ തലയില് കെട്ടിവെച്ച് അക്ഷേപിക്കാനാണ് കോണ്ഗ്രസ്സുകാരും കമ്മ്യൂണിസ്റ്റുകാരും സമയം കണ്ടെത്തുന്നത്. അതേസമയം കേരളത്തില് ഇവര് നടത്തിയ ദളിത് പീഢനങ്ങള് സൗകര്യപൂര്വ്വം മറക്കുന്നുവെന്നും അദ്ദേഹം കൂട്ടിച്ചേര്ത്തു.
ബിജെപി നടക്കുതാഴ ഏരിയ പ്രസിഡന്റ് പി.കെ. ബിജീഷ് അദ്ധ്യക്ഷത വഹിച്ചു. പി.എം. അശോകന്, കടത്തനാട് ബാലകൃഷ്ണന്, അഡ്വ. എം.രാജേഷ് കുമാര്, സി.പി.ചന്ദ്രന് എന്നിവര് സംസാരിച്ചു. ചരളില് സദാനന്ദന് സ്വാഗതവും ശ്രീപാല് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: