രാജാക്കാട്: പൂപ്പാറയില് വ്യാപാരിയേയും വൃദ്ധമാതാപിതാക്കളേയും മര്ദ്ദിച്ചതായി പരാതി. പൂപ്പാറ ബോഡിമെട്ട് റോഡില് വ്യാപാര സ്ഥാപനം നടത്തുന്ന വിപിന് സെബാസ്റ്റ്യനേയും ബന്ധുക്കളേയുമാണ് മര്ദ്ദിച്ചത്. ഇയാളുടെ സ്ഥാപനത്തിന് മുമ്പിലുള്ള പാര്ക്കിങ് ഏരിയായിലേയ്ക്ക് വിളിച്ചുവരുത്തിയാണ് മര്ദ്ദിച്ചത്. ഇത് കണ്ട് ഓടിയെത്തിയ മാതാപിതാക്കളായ വത്സമ്മ, ദേവസ്യ എന്നിവരെയും ക്രൂരമായി മര്ദ്ദിച്ചു. ആയുധം ഉപയോഗിച്ച് മുറിവേല്പ്പിക്കുകയും മാതാവായ വത്സമ്മയുടെ വസ്ത്രം വലിച്ചുകീറുകയും ചെയ്തു. ഫിലിപ്പ് ജോര്ജ്ജ്, ഇയാളുടെ ബന്ധു തോമസ് തെക്കന്, കണ്ടാലറിയാവുന്ന ഒരാള് എന്നിവര്ക്കെതിരെ ശാന്താമ്പാറ പോലീസ് കേസെടുത്തു.
പ്രതികരിക്കാൻ ഇവിടെ എഴുതുക: