കണ്ണൂര്: മലബാര് ദേവസ്വം ബോര്ഡിന് കീഴിലെ ക്ഷേത്ര ജീവനക്കാരുടെ ശമ്പള കുടിശ്ശിക ഉടന് നല്കണമെന്ന് മലബാര് ദേവസ്വം എംപ്ലോയീസ് യൂണിയന് ആക്ടിങ്ങ് പ്രസിഡണ്ട് എ.വേണുഗോപാലനും ജനറല് സെക്രട്ടറി എ.കെ.ബാലനും പ്രസ്താവനയില് ആവശ്യപ്പെട്ടു. ശമ്പള കുടിശ്ശിക നല്കാന് എല്ഡിഎഫ് സര്ക്കാര് 16 കോടിരൂപ അനുവദിച്ചിരുന്നു. ഇത് വിതരണം ചെയ്യാന് ദേവസ്വം ബോര്ഡ് അനാവശ്യമായ കാലതാമസം വരുത്തുന്നു. ഓണത്തിന് മുമ്പ് മുഴുവന് ശമ്പളവും നല്കുന്നില്ലെങ്കില് യുണിയന് പ്രക്ഷോഭനത്തിനറങ്ങുമെന്ന് അവര് പറഞ്ഞു.
ചെറുകിട-ഇടത്തരം കരാറുകാരുടെ ജോലിസ്ഥിരതയും ലഭ്യതയും ഉറപ്പാക്കണം
കണ്ണൂര്: അക്രഡിറ്റഡ് സൊസൈറ്റികള്ക്ക് കുറെ വര്ക്കുകള് ചേര്ത്ത് ഒന്നിച്ചു നല്കുന്നത് കാരണം ചെറുകിട ഇടത്തരം കരാറുകാര്ക്ക് പ്രവൃത്തി ലഭിക്കാത്ത അവസ്ഥയാണുള്ളത്. അതുമാറ്റി സര്ക്കാര് ചെറുകിട-ഇടത്തരം കരാറുകാരുടെ ജോലിസ്ഥിരതയും ലഭ്യതയും ഉറപ്പാക്കണമെന്ന് കേരള ഗവണ്മെന്റ് കോണ്ട്രാക്ടേഴ്സ് ജില്ലാ സമ്മേളനം ആവശ്യപ്പെട്ടു. സംസ്ഥാന പ്രസിഡണ്ട് വര്ഗ്ഗീസ് കണ്ണമ്പള്ളി ഉദ്ഘാടനം ചെയ്തു. ജില്ലാ പ്രസിഡണ്ട് സി.രാജന് അദ്ധ്യക്ഷത വഹിച്ചു. പി.ഹരിദാസ്, ടി.എ.അബ്ദുള് റഹിമാന്, കെ.കെ.രാധാകൃഷ്ണന്, സി.ചേക്കുട്ടി ഹാജി, സി.പി.ദിവാകരന്, കെ.കെ.സുരേഷ് ബാബു, എം.ടി.മുഹമ്മദ് കുഞ്ഞിഹാജി, കെ.എം.അജയകുമാര് എന്നിവര് സംസാരിച്ചു. പുതിയ ജില്ലാ ഭാരവാഹികളായി സി.രാജന്-പ്രസിഡണ്ട്, സി.പി.ദിവാകരന്-സെക്രട്ടറി, കെ.എം.അജയകുമാര്-ട്രഷറര് എന്നിവരെ തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: