തിരുവനന്തപുരം: കേരളത്തിലെ കടല് തീരങ്ങളില് അതീവ ജാഗ്രതാ നിര്ദ്ദേശം. വേലിയേറ്റംമൂലം ഇന്ന് അര്ധരാത്രി മുതല് രണ്ട് ദിവസം വരെ കടല് പ്രക്ഷുബ്ദമാകുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. തീരപ്രദേശങ്ങളില് രണ്ട് മുതല് മൂന്ന് മീറ്റര്വരെ ഉയരത്തില് തിരമാലകള് അടിക്കുമെന്നും കാലാവസ്ഥാ നിരീക്ഷകര് അറിയിച്ചു.
വിഴിഞ്ഞം മുതല് കാസര്കോഡ് വരെയുള്ള തീരപ്രദേശത്ത് കടലാക്രമണമുണ്ടാകാന് സാധ്യതയുണ്ടെന്നും തെക്കന് ജില്ലകളില് ഇതിന് കൂടുതല് ശക്തമാവാന് ഇടയെന്നും അധികൃതര് അറിയിക്കുന്നു. മത്സ്യബന്ധനത്തിന് പോകുന്നവര് ജാഗ്രത പാലിക്കണമെന്നും ഹാര്ബറുകളില് ബോട്ടും മറ്റ് മത്സ്യബന്ധന സാമഗ്രികളും സുരക്ഷിതമാക്കണമെന്നും മുന്നറിയിപ്പ് നല്കിയിട്ടുണ്ട്.
പ്രതികരിക്കാൻ ഇവിടെ എഴുതുക: