ഫറോക്ക്: ബിജെപി ഫറോക്ക് മുന്സിപ്പല് കണ്വെന്ഷന് ഫറോക്ക് വ്യാപാരഭവന് ഓഡിറ്റോറിയത്തില് ചേര്ന്നു. ടെണ്ടര് നടപടികള് പൂര്ത്തിയാക്കിയ ജപ്പാന്കുടിവെള്ള പദ്ധതിയുടെ പ്രവൃത്തികള് ഫറോക്കില് യുദ്ധകാലാടിസ്ഥാനത്തില് പൂര്ത്തിയാക്കണമെന്ന് യോഗം ആവശ്യപ്പെട്ടു. പദ്ധതി പ്രവൃത്തിക്കുവേണ്ടിയുള്ള വലിയ പൈപ്പുകള് ഇപ്പോള് ഫറോക്കിലെ പല ഭാഗങ്ങളിലും കൂട്ടിയിട്ടിരിക്കുകയാണ്. വാഹനത്തിരക്കുകൊണ്ടും പാര്ക്കിംഗ് സൗകര്യങ്ങള് വേണ്ടത്ര ഇല്ലാത്തതിനാലും വീര്പ്പുമുട്ടുന്ന ഫറോക്ക് ടൗണില് ഇങ്ങനെ പൈപ്പു കൂട്ടിയിടുന്നത് ഗുരുതരമായ ഗതാഗത പ്രശ്നങ്ങള്ക്ക് ഇടയാക്കുന്നുണ്ട്. എത്രയും പെട്ടെന്ന് പൈപ്പുകള് മണ്ണിനടിയില് സ്ഥാപിക്കുവാനുള്ള അടിയന്തര നടപടികള് കൈക്കൊള്ളണമെന്ന് യോഗം ഫറോക്ക് ആവശ്യപ്പെട്ടു.
പ്രവര്ത്തനങ്ങള് എത്ര യും വേഗം പൂര്ത്തിയാക്കി അടുത്ത വേനല്ക്കാലത്തിന് മുമ്പുതന്നെ ഫറോക്കിലെ ജനങ്ങള്ക്ക് കുടിവെള്ളം ലഭിക്കാനാവശ്യമായ സൗകര്യം ഒരുക്കണമെന്നും യോഗം പ്രമേയത്തിലൂടെ ആവശ്യപ്പെട്ടു.
കണ്വെന്ഷന് ബിജെപി കോഴിക്കോട് ജില്ലാ വൈസ്പ്രസിഡന്റ് ഹരിദാസന് പൊക്കിണാരി ഉദ്ഘാടനം ചെയ്തു. ബിജെപി ഫറോക്ക് മുന്സിപ്പല് കമ്മിറ്റി പ്രസിഡന്റ് വി. മോഹനന് മാസ്റ്റര് അധ്യക്ഷത വഹിച്ചു. ബിജെപി ബേപ്പൂര് മണ്ഡലം പ്രസിഡന്റ് പി.കെ. പരമേശ്വരന് ദേശീയ സമ്മേളവുമായി ബന്ധപ്പെട്ട പ്രവര്ത്തനങ്ങള് വിശദീകരിച്ചു.എന്.കെ. ഹരീന്ദ്രനാഥ്, സെക്രട്ടറി ടി. ഗിരീഷ്, മുനിസിപ്പല് കൗണ്സിലര് പി.ഷിജിത്ത്, ടി. ശ്യാമപ്രസാദ്, ടി.കെ. രാമദാസന് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: