പയ്യന്നൂര്: പാരലല് കോളേജ് അസോസിയേഷന് കണ്ണൂര് ജില്ലാ കമ്മറ്റിയുടെ ആഭിമുഖ്യത്തില് ഇന്ന് രാവിലെ 9.30ന് പെരുമ്പയിലെ പയ്യന്നൂര് വിദ്യാമന്ദിരം കോളേജ് ഓഡിറ്റോറിയത്തില് സമാന്തര വിദ്യാഭ്യാസ സംരക്ഷണ സമ്മേളനം നടത്തും. തുല്യനീതി നടപ്പാക്കുക, കണ്ണൂര് യൂണിവേഴ്സിറ്റി നിര്ത്തലാക്കിയ കോഴ്സുകള് പുനഃസ്ഥാപിക്കുക തുടങ്ങിയ ആവശ്യങ്ങള് ഉന്നയിച്ചാണ് സമ്മേളനം നടത്തുന്നത്. കെ.എന്.രാധാകൃഷ്ണന്റെ അധ്യക്ഷതയില് മന്ത്രി കടന്നപ്പള്ളി രാമചന്ദ്രന് സമ്മേളനം ഉദ്ഘാടനം ചെയ്യും. പ്രമുഖ നേതാക്കള് പങ്കെടുക്കും. ഉച്ചകഴിഞ്ഞ് നടക്കുന്ന ശില്പശാല അസോസിയേഷന് സംസ്ഥാന പ്രസിഡണ്ട് പി.ടി.മൊയ്തീന്കുട്ടി മാസ്റ്റര് ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: