അമ്പലപ്പുഴ: അമ്പലപ്പുഴ പാല്പ്പായസിന്റെ ക്രമാതീതമായ നിരക്കു വര്ദ്ധനവിനെതിരെ വിഎച്ച്പി പ്രതിഷേധ ധര്ണ്ണ നടത്തി. ഹൈക്കോടതിയെപ്പോലും മാനിക്കാതെ ഏകപക്ഷീയമായാണ് ദേവസ്വം ബോര്ഡ് വില വര്ദ്ധിപ്പിച്ചതെന്ന് വിഎച്ച്പി ജില്ലാ സെക്രട്ടറി എം. ജയകൃഷ്ണന്.
പാല്പ്പായസം ഉണ്ടാക്കുന്നതിന് ആനുപാതികമായിട്ടല്ല ഈ നിരക്കു വര്ദ്ധനവെന്നും യോഗത്തില് മുഖ്യപ്രഭാഷണം നടത്തിയ അദ്ദേഹം പറഞ്ഞു. അമ്പലപ്പുഴ ഭഗവാന്റെ ഗോപാലകഷായമായ പാല്പ്പായസം രാജാവിന്റെ കാലത്ത് സൗജന്യമായി നല്കിയിരുന്നതായി ധര്ണ്ണ ഉദ്ഘാടനം ചെയ്ത സമൂഹപ്പെരിയോന് കളത്തില് ചന്ദ്രശേഖരന് നായര് പറഞ്ഞു.
പ്രഖണ്ഡ് വൈസ് പ്രസിഡന്റ് സി.എന്. ചന്ദ്രമോഹന്പിള്ള അദ്ധ്യക്ഷത വഹിച്ചു. അമ്പലപ്പുഴ ക്ഷേത്രോപദേശക സമിതി സെക്രട്ടറി ഡി. സുഭാഷ്, എന്. സുന്ദരേശന് തുടങ്ങിയവര് സംസാരിച്ചു. പ്രഖണ്ഡ് സെക്രട്ടറി വിജയകുമാര് തറയില്, എ.ബി. പത്മകുമാര്, ബീനാ ഗോപകുമാര്, സുനില് പറവൂര്, ജയരാജ് ചന്ദ്രന് തുടങ്ങിയവര് ധര്ണ്ണയ്ക്ക് നേതൃത്വം നല്കി.
പ്രതികരിക്കാൻ ഇവിടെ എഴുതുക: