കണ്ണൂര്: സപ്ലൈകോയുടെ ജില്ലാ ഫെയര് ജൂബിലി ഹാളില് കോര്പ്പറേഷന് ഡെപ്യൂട്ടി മേയര് പി.കെ.രാഗേഷിന്റെ അധ്യക്ഷതയില് മന്ത്രി രാമചന്ദ്രന് കടന്നപ്പളളി ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡണ്ട് കെ.വി.സുമേഷ് ആദ്യ വില്പന നിര്വ്വഹിച്ചു. കോര്പറേഷന് കൗണ്സിലര് ലിഷ ദീപക്, വയക്കാടി ബാലകൃഷ്ണന്, സി.സന്തോഷ്കുമാര്, വി.വി.പുരുഷോത്തമന്, എം.പി.മുഹമ്മദലി, ആര്.വി. ശ്രീകാന്ത് വര്മ്മ, ജി.രാജേന്ദ്രന്, കെ.കെ.ജയപ്രകാശ്, ഹമീദ് ഇരിണാവ് എന്നിവര് സംസാരിച്ചു. സപ്ലൈകോ അസിസ്റ്റന്റ് മാനേജര് കെ.കെ.ഗീത സ്വാഗതവും ജില്ലാ സപ്ലൈ ഓഫീസര് കെ.റസിയ നന്ദിയും പറഞ്ഞു. ഹോര്ട്ടി കോര്പിന്റെ പച്ചക്കറി സ്റ്റാളും ഫെയറില് ഒരുക്കിയിട്ടുണ്ട്. ജില്ലയില് ഒരു ജില്ലാ ഫെയറും 4 താലൂക്ക് ഫെയറുകളും 6 ഓണം മാര്ക്കറ്റുകളും സപ്ലൈകോ നടത്തും. സപ്ലൈകോയുടെ മുഴുവന് ഔട്ട്ലെറ്റുകളും ഓണം മിനി ഫെയറുകളായി പ്രവര്ത്തിക്കുകയും ചെയ്യും. ഉപഭോക്താക്കള്ക്ക് ഓണം പര്ച്ചേസിന് വന് സമ്മാന പദ്ധതിയും സപ്ലൈകോ ഒരുക്കിയിട്ടുണ്ട്. കൂടാതെ ബിപിഎല്/എഎവൈ കാര്ഡ് ഉടമകള്ക്കുളള സൗജന്യ ഓണകിറ്റ് എല്ലാ ഔട്ട്ലെറ്റില് നിന്നും സപ്തംബര് 7 വരെ ലഭിക്കും.
പ്രതികരിക്കാൻ ഇവിടെ എഴുതുക: